Łukašenka: Nie bojciesia infarmacyjnych vojnaŭ, słuchajcie ŭsio — i dzialicie na dziesiać
Pryčyny ŭźnikłaj va Ukrainie situacyi lažać u samich ukraincach, zajaviŭ Alaksandr Łukašenka padčas sustrečy 9 vieraśnia z rabotnikami Minskaha vytvorčaha harbarnaha abjadnańnia ŭ Hatava (Minski rajon).
«Hłybinnyja pryčyny ŭźnikłaj va Ukrainie situacyi — nie ŭ amierykancach i nie ŭ jeŭrapiejcach, a ŭ ich samich. Heta karupcyja, razvał ułady, bandytyzm — usio pačałosia adtul, i dalej — bolej. A kali ŭbačyli, što ŭ centry Jeŭropy razharajecca kanflikt, tady pačali ŭžo droŭcy padkidać».
Kiraŭnik dziaržavy ličyć važnym, kab ukrainskaja situacyja nie raspaŭsiudziłasia za miežy hetaj krainy. U toj ža čas, adznačyŭ jon, u Biełarusi situacyja budzie spakojnaj. «Kali ŭ nas u ekanomicy budzie narmalna, kali našy ludzi buduć zaniatyja spravaj, tady i mirna budzie ŭ krainie. Treba žyć u svajoj krainie i zajmacca mirnaj spravaj», — zajaviŭ Łukašenka.
Pavodle jaho słoŭ, Biełaruś zacikaŭlenaja ŭ spynieńni eskałacyi kanfliktu va Ukrainie i, nakolki heta mahčyma, starajecca «ŭcichamiryć tam situacyju».
«Va Ukrainie idzie bratazabojčaja vajna, ja ŭžo nie adnojčy ab hetym havaryŭ. Heta kankurencyja, heta supraćstajańnie, — adznačyŭ kiraŭnik dziaržavy. — Vy razumiejecie, kamu heta vyhadna. Heta nam niavyhadna, heta Ukrainie niavyhadna, dyj Rasii niavyhadna. Čamu Ukrainie? Tamu što ich ludzi hinuć na ich terytoryi. Tamu što heta destabilizuje stanovišča va Ukrainie. Heta nie treba nikomu — heta razburaje ŭvieś układ žyćcia».
Łukašenka akcentavaŭ uvahu na roli infarmacyjnych vojnaŭ, u tym liku — va ŭkrainskim kanflikcie.
«Siońnia heta nie taja vajna, što była kaliści, idzie infarmacyjnaja vajna.
Nie bojciesia infarmacyjnych vojnaŭ, słuchajcie ŭsio i dzialicie na dziesiać», — parekamiendavaŭ kiraŭnik dziaržavy.
Suprać Biełarusi, dadaŭ jon, taksama viałasia infarmacyjnaja vajna. «Ale my vystajali, tamu treba hladzieć spakojna na hetyja infarmacyjnyja vojny», — skazaŭ Alaksandr Łukašenka.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary