Apple i Facebook buduć płacić svaim supracoŭnicam za jajcakletki
Kampanija Apple sa studzienia pačnie kampiensavać supracoŭnicam košt zamarožvańnia jajcakletak, padobnaja praktyka ŭžo pryniata ŭ kampanii Facebook.
Apłata zamarazki jajcakletak stanie častkaj pakieta bonusaŭ, z dapamohaj jakich kampanii Kramianiovaj daliny pryciahvajuć pierśpiektyŭnych supracoŭnic, paviedamlaje NBC.
Jak Apple, tak i Facebook hatovyja kampiensavać vydatki na zamarozku jajcakletak na sumu da $20 tysiač.
Pracedura častkova moža vyrašyć prablemu vybaru pamiž naradžeńniem dziaciej i karjernym rostam u najbolš padychodziačym repradukcyjnym uzroście, ličać u kampanijach. Adnak krytyki idei ličać, što technałahičnyja kampanii takim čynam sprabujuć maksimalna ŭtrymać supracoŭnic ad vychadu ŭ dekretny adpačynak.
Heta ŭžo nie pieršy padobny bonus: da prykładu, Facebook užo vypłačvaje $4 tysiačy pry naradžeńni dziciaci, a Apple apłačvaje vydatki ŭ pamiery da $15 tysiač na miedycynskija pracedury, źviazanyja z płanavańniem siamji.
Mahčyma, takim čynam technałahičnyja kampanii padtrymlivajuć ideju hiendarnaj raznastajnaści svajho štata — nie sakret, što ŭ bolšaści kampanij Kramianiovaj daliny daminujuć supracoŭniki mužčynskaha połu. U Apple i Facebook žančyny składajuć kala 30% štata.
Zamarozka jajcakletak źjaŭlajecca niatannaj. U ZŠA adna pracedura abychodzicca ŭ sumu ad $7 da 12 tysiač, a zachoŭvańnie abyjdziecca jašče prykładna ŭ $4 tysiačy ŭ hod. Daktary ž rekamiendujuć žančynam zamarožvać jak minimum 20 jajcakletak, što možna zrabić minimum za dźvie pracedury.
Kamientary