Pravavy inśpiektar prafsajuza REP i žychar Baranavičaŭ Alaksandr Vojcišak raspavioŭ praca-by.info, jak trapiŭ u Niaśvižskaje RAUS.
«Ranicaj u paniadziełak u adnym z punktaŭ hramadskaha charčavańnia ŭ Niaśvižy ja paprasiŭ vydać mnie knihu zaŭvah i prapanoŭ. Bufietčyca heta zrabić admoviłasia. Dyrektar, jaki źjaviŭsia nieŭzabavie, taksama mnie ŭ hetym admoviŭ. Pakolki kniha zaŭvah pavinna vydavacca pa pieršym patrabavańni, ja patelefanavaŭ u milicyju, — raspavioŭ Alaksandr Vojcišak. — Narad prybyŭ, i tak jak usio pakazvała na maju racyju, kapitan Radčanka staŭ składać pratakoł. U hety čas jamu niechta patelefanavaŭ. Miarkuju, što dyrektar punkta hramadskaha charčavańnia moh źviazacca ź niekimści ź milicyi, bo paśla hetaha telefanavania mianie paprasili nakiravacca ŭ RAUS.
Padstaŭ dla abvinavačvańnia mianie ŭ čym-niebudź nie było, ja byŭ ćviarozy. Tady było zajaŭlena, što, patrabujučy knihu zaŭvah, ja nibyta niecenzurna łajaŭsia. Bolš za toje, mianie nie nakiravali ŭ sud ni ŭ paniadziełak, ni ŭ aŭtorak. Supracoŭniki milicyi skazali, što ja budu siadzieć, bo nie pryznaŭ svajoj viny. Drobnyja chulihany, jakija akazvalisia ŭ kamiery sa mnoj, chutka adpraŭlalisia na sud, pryznaŭšy svaju vinu.
U sieradu, kali ŭ Niaśvižskim RAUS stali telefanavać žurnalisty i staršynia prafsajuza REP Hienadź Fiadynič, mianie, narešcie, adpravili na sud. Tak jak ja zapatrabavaŭ sabie abaroncy, to pasiadžeńnie pieranieśli na 28 listapada.
U dadzieny momant rychtuju zvarot u Śledčy kamitet. Liču, što sutyknuŭsia z takim biaźmiežžam, tamu što byŭ pryjezdžym. Miarkuju, što pamiž dyrektaram punkta hramadskaha charčavańnia i miascovaj milicyjaj isnujuć siabroŭskija adnosiny.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary