Baskietbalisty «Cmoki-Minsk» va ŭpartaj baraćbie ŭ aviertajmie prajhrali ŭ haściach vałhahradskamu «Krasnamu Akciabru» ŭ matčy Adzinaj lihi VTB, paviedamlaje sajt lihi.
Cmoki hulali na roŭnych z haspadarami. Na vialiki pierapynak jany syšli, sastupajučy ŭsiaho dva punkty haspadaram 37:39. Paśla mocna adstali. Adnak u čaćviortaj dziesiaciminutcy minčuki zdoleli pierachapić inicyjatyvu i zdahnać sapiernikaŭ, pieravioŭšy hulniu ŭ aviertajm. Ale na dadatkovyja 5 chvilin u našych nie chapiła sił i jany prajhrali - 88:92 (14:18, 23:21, 16:17, 23:10, 12:16).
U cmokaŭ najbolš vynikovym byŭ Branka Mirkavič. Jon nabraŭ 27 punktaŭ i zrabiŭ 7 pieradač.
Heta vośmaje paražeńnie biełaruskaj družyny ŭ 9 praviedzienych sustrečach Adzinaj lihi VTB.
9 śniežnia «Cmoki» praviaduć sustreču Jeŭračelendžu z «Šaŭlami».
Zaklučny pajadynak na hrupavym etapie Jeŭračelendžu «Cmoki-Minsk» praviaduć 16 śniežnia na svajoj arenie suprać «Jenisieja».
Kamientary