Pamior Jaŭhien Sidarovič — biełaruski patryjot, viazień stalinskich łahieraŭ
U Pastavach 3 śniežnia adyšoŭ u lepšy śviet Jaŭhien Sidarovič, biełaruski patryjot, viazień HUŁAHu. Jamu było 86 hadoŭ.
Pra heta karespandentu westki.info raspavioŭ Anton Furs, paplečnik Jaŭhiena pa arhanizacyi.
Jaŭhien Sidarovič byŭ asudžany na 10 hod łahieraŭ za siabroŭstva ŭ Sajuzie biełaruskich patryjotaŭ — padpolnaj arhanizacyi, jakuju ŭ 1945 hodzie stvaryli navučency hłybockaj i pastaŭskaj piedahahičnych vučelniaŭ.
Studenty vyrašyli papularyzavać biełaruskuju movu i kulturu, ideju niezaležnaści Biełarusi, pryniali prysiahu na viernaść Radzimie. Za heta 47 čałaviek byli asudžanyja na terminy ad 10 da 25 hod źniavoleńnia.
Sidarovič na ŭsio žyćcio zachavaŭ patryjatyčnyja pierakanańni. Trymaŭ suviaź ź siabrami SBP, jeździŭ ich na sustrečy. Uryŭki z hutarki ź Jaŭhienam Sidarovičam jość u dakumientalnym filmie Valeryja Mazynskaha «Hłybockaja zmova».
Jaŭhien Sidarovič da kanca svaich dzion padtrymlivaŭ siabroŭstva z Antonam i Alesiaj Fursami, jakija taksama byli asudžanyja pa spravie SBP i žyvuć u Pastavach. Jany pieratelefanoŭvalisia i praviedvali adzin adnaho. Anton Furs byŭ na pachavańni.
Sabraŭšysia niejak razam, siabry SBP damovilisia: na mahilnych pomnikach napisać słovy «Chaj śniacca sny pra Biełaruś». Hetyja słovy buduć i na nadmahilli Jaŭhiena Sidaroviča.
Zastałosia žyvych piaciora siabraŭ Sajuza biełaruskich patryjotaŭ. Anton i Alesia Fursy žyvuć u Pastavach, Leŭ i Maryja Bialevičy ŭ Połacku, Mikoła Konan – u miastečku Łužki Šarkoŭščynskaha rajona.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary