IP zastalisia ni z čym.
Na žal, pavodle słoŭ Bałykina, biełaruskija IP akazalisia zdolnyja tolki na stychijnyja akcyi pratestu, dy i toje niešmatlikija. «Adnak pravieści akcyju pratestu mała. Nieabchodna ŭmieć skarystacca jaje vynikami. Ale ni sami pradprymalniki, ni ich pradstaŭniki nie zdoleli na praciahu hoda jasna artykulavać prablemy IP. Na žal, bolšaść arhumientaŭ suprać 760‑ha ŭkaza byli emacyjanalnyja. Pravavych, ekanamičnych arhumientaŭ hučała vielmi mała», — kanstatavaŭ S.Bałykin.
Pry hetym, jak zaznačyŭ ekśpiert, vynikami akcyj pratestu IP skarystalisia zusim inšyja ludzi, jakim udałosia prałabiravać źmianieńni ŭ zakanadaŭstva, što palapšajuć umovy dziejnaści jurydyčnych asob. Tak, naprykład, užo sproščana pracedura rehistracyi jurydyčnych asob, rychtujucca dakumienty pa spraščeńni paradku ŭvozu imi tavaraŭ.
«Indyvidualnyja pradprymalniki zastalisia ni z čym, — skazaŭ S.Bałykin. — Razam z tym isnuje dastatkova šmat jurydyčnych arhumientaŭ i ekanamičnych raźlikaŭ, jakija nahladna demanstrujuć nieabhruntavanaść 760‑ha ŭkaza».
Ekśpiert prahnazuje, što na praktycy prymianieńnie ŭkaza tymi, chto zastajecca ŭ formie IP, vykliča ciažkaści z paćviardžeńniem svajactva sa svaimi rabotnikami, bo baćki i dzieci, braty i siostry, naprykład, mohuć mieć roznyja proźviščy. Aprača taho, u adpaviednaści z ukazam u IP zmohuć pracavać tolki svajaki pieršaha kruhu svajactva, zaznačyŭ S.Bałykin.
Jon taksama źviarnuŭ uvahu na tuju akaličnaść, što imknieńnie praciahvać svajo isnavańnie ŭ formie IP sparadziła chvalu faktyčnych fiktyŭnych rehistracyj indyvidualnymi pradprymalnikami svaich rabotnikaŭ u jakaści IP. «Heta budzie mieć vynikam pieraraźmierkavańnie tavaraŭ zhodna z šerymi schiemami. Bo lehalna IP — płacielščyk adzinaha padatku inšamu IP — płacielščyku adzinaha padatku tavar pieradać nie moža», — skazaŭ niezaležny ekśpiert.
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary