Ułada, dapuściŭšy treci raz za piać hadoŭ valutna-finansavy kryzis, «prademanstravała svaju poŭnuju biezdapamožnaść i straciła ŭsiakaje maralnaje prava kiravać krainaj».
Pra heta havorycca ŭ pryniataj 22 śniežnia zajavie palitrady Abjadnanaj hramadzianskaj partyi.
«Kraina znachodzicca ŭ hłybokim i pastajannym kryzisie, što daje narodu prava patrabavać adstaŭki nie tolki ŭrada i kiraŭnictva Nacyjanalnaha banka, ale i Alaksandra Łukašenki, jaki niasie piersanalnuju adkaznaść za dziejnaść vybudavanaj im uładnaj viertykali, jakaja całkam pazbaviła narod prava na inšaje mierkavańnie, adroznaje ad aficyjnaha», — havorycca ŭ dakumiencie.
U AHP ličać, što ŭviadzieńnie 19 śniežnia Nacbankam 30% padatku na nabyćcio valuty dla fizičnych i jurydyčnych asob «nie vyrašaje pytańniaŭ, što stajać pierad eakanomikaj, pierš za ŭsio takich, jak straty ad ekspartnych apieracyj na rasijskim rynku». «Jano niepaźbiežna pryviadzie da stvareńnia cieniavoha valutnaha rynku, dvuch paralelnych valutnych kursaŭ. Pry hetym niama nijakich arhumientaŭ za toje, što prablemy na valutnym rynku nosiać časovy charaktar i ŭ paznačany hrašovymi ŭładami termin buduć pieraadoleny».
Kamientary