Biełaruskija hrošy budučyni: kancept Ramana Dubinki
Šmatlikija nuli biełaruskich rubloŭ buduć lišnimi ŭ «Novuju epochu rubla», piša marketing.by i prapanuje kancept denaminavanych biełaruskich rubloŭ kreatyŭščyka z Kobryna Ramana Dubinki.
Raman Dubinka paličyŭ, što ŭ kupiurach varta pakinuć paznavalnyja kalarovyja vyrašeńni i vyjavy słavutych budynkaŭ Biełarusi. Kreatyŭščyk spraściŭ dyzajn kupiur, jany bolš nahadvajuć jeŭra, majuć śvietły koler z kantrastnymi ličbami.
Padabienstva novych biełaruskich rubloŭ da jeŭra pradkazvaŭ kiraŭnik Biełarusi hod tamu. Ale ab terminach denaminacyi kazać pakul nie davodzicca. «Umovy dla praviadzieńnia denaminacyi jašče nie saśpieli», kazaŭ jon. Tady była «nie takaja dobraja situacyja ŭ ekanomicy», byli «peŭnyja tryvohi ŭ nasielnictva». Pavodle słoŭ Łukašenki, kali budzie adčuvańnie taho, što «ekanomika stała narmalnaj», ab denaminacyi budzie abvieščana za paŭhady da jaje praviadzieńnia.
Kancept kupiur — daloka nie pieršaja rabota Ramana Dubinki. Raniej rozhałas mieli jaho varyjant hałoŭnaj jalinki krainy i łahatyp Bresta.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary