Ułady nie buduć indeksavać piensii ŭ suviazi z devalvacyjaj biełaruskaha rubla, paviedamiŭ namieśnik ministra pracy i sacyjalnaj abarony Valeryj Kavalkoŭ u čas pramoj linii 15 studzienia.
Datelefanavaŭšysia da namieśnika ministra, karespandent finance.tut.by pacikaviłasia, ci praindeksujuć piensii ŭ suviazi z asłableńniem biełaruskaha rubla.
Valeryj Kavalkoŭ patłumačyŭ, što piensii vypłačvajucca za košt adličeńniaŭ z zarobkaŭ, jakija pastupajuć u Fond sacyjalnaj abarony nasielnictva. Zarobki nie indeksavalisia na rost kursu dalara, a značyć, unioski ŭ FSAN taksama nie vyraśli.
«A kali pastupleńni ŭ Fond nie pavialičylisia, u suviazi z čym my možam płacić piensiju ŭ bolšym pamiery?
Pieraraźliku [piensij] ŭ suviazi z devalvacyjaj biełaruskaha rubla nie budzie, bo ŭ nas valuta — biełaruski rubiel, u nas ceny ŭ biełaruskich rublach, i naša ŭnutranaja pryviazka da dalara — heta naša asabistaje pierakanańnie. Možna pieravieści piensiju na rasijskija rubli, i atrymajecca, što piensijanier pabahacieŭ, bo rasijski rubiel byŭ devalvavany jašče bolš, - zaŭvažyŭ namieśnik ministra.
Pakul niama padstaŭ i dla pieraraźliku piensij u suviazi z rostam siaredniaj zarpłaty pa krainie.
Rašeńnie ab pavieličeńni piensij prymajecca, kali za minuły kvartał siaredniaja zarpłata pavialičyłasia bolš čym na 15%.
«Na žal, takoha rostu ŭ nas ciapier niama», — kanstatavaŭ Valeryj Kavalkoŭ.
Z 19 śniežnia biełaruski rubiel devalvaŭsia adnosna dalara na 37%.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi17
Kamientary