Francuzski lider Fransua Aland zajaviŭ, što dziaržava budzie abaraniać usie relihii, i dadaŭ, što musulmanie časta stanoviacca hałoŭnymi achviarami fanatykaŭ.
Vystupajučy ŭ Instytucie arabskaha śvietu ŭ Paryžy, jon adznačyŭ, što isłam nie supiarečyć demakratyi, i padziakavaŭ hramadzianam arabskich krain za padtrymku Francyi paśla paryžskich teraktaŭ.
Aland padkreśliŭ, što francuzy abjadnalisia pierad pahrozaj teroru.
«Musulmanie Francyi vałodajuć tymi ž pravami, što i ŭsie astatnija francuzy, — skazaŭ jon, — i my abaviazanyja ich abaranić».
«Zakon pavinien stroha vykonvacca va ŭsich miescach, dzie pravodziacca relihijnyja słužby, cerkvy heta, miačeci abo sinahohi. Dziejańni, nakiravanyja suprać musulman, taksama jak i dziejańni, nakiravanyja suprać habrejaŭ, pavinny być asudžanyja, a tyja, chto ździejśniŭ ich, pavinny panieści pakarańnie», — zajaviŭ Aland.
Prezident Francyi dadaŭ, što hlebu radykalnaha isłamu siłkujuć supiarečnaści, biednaść, niaroŭnaść i kanflikty, i što «musulmanie akazvajucca pieršymi achviarami fanatyzmu, fundamientalizmu i nieciarpimaści».
Kamientary