Film «Liha mary», u jakim akcior Cim Rot hraje sumlennaha prezidenta FIFA Jozefa Błatera, za premjerny ŭik-end sabraŭ u ZŠA kala tysiačy dołaraŭ, paviedamlaje Bloomberg.
Pavodle dadzienych vydańnia, za pieršyja dva dni ŭ prakacie film sabraŭ krychu bolš za 600 dalaraŭ, a ahulnyja zbory skłali kala tysiačy. Pry hetym film pakazvajuć tolki ŭ niekalkich kinateatrach.
Raniej karcinu ŭžo demanstravali ŭ Jeŭropie. Tam jana zdoleła sabrać bolš za 150 tysiač dołaraŭ. Pry hetym biudžet filma skłaŭ kala 27 młn dalaraŭ.
Film «Liha mary» zdymaŭsia na hrošy FIFA. U im raspaviadajecca historyja stanaŭleńnia arhanizacyi. Zasnavalnika FIFA hulaje francuzski akcior Žerar Depardźje, jaki atrymaŭ rasijskaje hramadzianstva, a ciapierašniaha prezidenta Jozefa Błatera — amierykaniec Cim Rot.
Na minułym tydni Błater abviaściŭ, što vyrašyŭ syści ŭ adstaŭku na fonie karupcyjnaha skandału ŭ arhanizacyi. Farmalna jamu samomu nijakich abjavaŭ pakul nie pradjaŭlena, adnak rasśledavańnie praciahvajecca. U filmie Błater pakazany sumlennym i prystojnym čałaviekam.
Kamientary