U Pietrykaŭskim rajonie parušalnik PDR ŭciakaŭ ad DAI na traktary ŭ lesie, paviedamili ŭ DAI UUS Homielskaha abłvykankama.
Honki pa pierasiečanaj miascovaści zładziŭ, sychodziačy ad pahoni ekipaža Dziaržaŭtainśpiekcyi, miechanizatar KSUP «Zapaviety Iljiča» Pietrykaŭskaha rajona.
Na traktary «Biełarus» pracaŭnik haspadarki ŭ hety dzień araŭ pole kala vioski Paleśsie. Uviečary pa šlachu ruchu sielhastechniki ŭ park rejdavaja hrupa RAUS vyrašyła pravieryć u traktarysta dakumienty. Adnak zamiest spynieńnia toj udaryŭ pa hazach i, źjechaŭšy na pole, irvanuŭ da susiedniaj vioski Babuničy.
Kali patrabavańnie ab spynieńni traktara miechanizatar u čarhovy raz praihnaravaŭ, adzin ź dziaržaŭtainśpiektaraŭ zrabiŭ papieradžalny streł u pavietra. Ale i heta nie praćvieraziła ŭciekača: traktar uziaŭ kurs na bližejšuju lesapałasu, źmiatajučy na svaim šlachu nie tolki kusty, ale i drevy. Pahonia praciahvałasia kala dvuch hadzin. Traktar zahłuch, nie zdoleŭšy praskočyć pamiž dvuma drevami.
U pramym sensie adłavić sprytnaha miechanizatara milicyjanty zmahli tolki na vulicy Babuničy, kudy jon uciok, kinuŭšy traktar. Pry zatrymańni jon akazaŭ niepadparadkavańnie pravaachoŭnikam, prymusiŭšy ich prymianić śpiecsrodki.
Usiaho na parušalnika składziena 6 administracyjnych pratakołaŭ. Ahulnaja suma pradjaŭlenych štrafnych sankcyj — Br11 młn. Jašče adzin štraf — 3 bazavyja vieličyni (adna BV roŭnaja Br180 tys.) — Pietrykaŭski rajonny sud pryznačyŭ viaskoŭcu za niepadparadkavańnie rabotnikam milicyi. Akramia taho, mužčyna na 3 hady pazbaŭleny pravoŭ na kiravańnie transpartnym srodkam.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary