Byłaja zorka šviedskaha realici-šoŭ Safija Chiełkvist stanie pryncesaj. Jana vychodzić zamuž za šviedskaha prynca Karła Filipa. Pyšnaja cyrymonija šlubu adbyvajecca ŭ Stakholmie.
Safija i Karł Filip paznajomilisia ŭ restaranie ŭ 2010 hodzie
30-hadovaja Chiełkvist była madellu, zdymałasia dla hlancavych časopisaŭ i pracavała instruktaram johi da taho, jak adkryć dabračynnuju arhanizacyju
Jaje žanich 36-hadovy prync Karł Filip — treci ŭ čarzie na šviedski tron.
Tysiačy šviedaŭ, jak čakajecca, vyjduć na vulicy stalicy, kab vitać maładych, niahledziačy na toje, što pavodle ŭsich apytańniaŭ, papularnaść manarchii i karaleŭskaj siamji ŭ Šviecyi niaŭchilna padaje.
Maładyja ludzi ŭpieršyniu sustrelisia ŭ 2010 hodzie ŭ restaranie, i nieŭzabavie paśla hetaha ŭ šviedskaj presie źjavilisia paviedamleńni ab ich ramanie.
Toples z udavam
Šviedskaja presa šmat pisała pra minułaje Safii Chiełkvist, i asabliva pra toje, jak jana ŭ 2014 hodzie zdymałasia toples z udavam dla mužčynskaha časopisa.
Hodam paźniej jana źjaviłasia ŭ šviedskim realici-šoŭ «Hatel Paradyz», u jakim ledź apranutyja niezamužnija i niežanatyja maładyja ludzi spaborničajuć za prava zastacca žyć na rajskim kurorcie.
U adkaz na ŭsie hetyja historyi Safija Chiełkvist zajaviła ŭ teleintervju, što ŭsio heta zastałosia daloka ŭ minułym.
«Ja ni pra što nie škaduju. Uvieś hety dośvied zrabiŭ mianie takoj, jakaja ja jość», — skazała Safija Chiełkvist. «Ale siońnia ja hetaha nie zrabiła b», — dadała budučaja pryncesa, jakaja ciapier pieravažna raspaviadaje pra svaju pracu ŭ dabračynnaj arhanizacyi.
Maładaja para stanovicca ŭsio bolš papularnaj u Šviecyi
U 2010 hodzie jana stała suzasnavalnicaj dabračynnaj arhanizacyi Project Playground, jakaja dapamahaje dzieciam-invalidam u Paŭdniovaj Afrycy. Jana pracavała vałancioram u niekalkich afrykanskich krainach.
Chiełkvist, jakaja naradziłasia ŭ miastečku Ałvdalen, u 2005 hodzie vyvučała ŭ Ńju-Jorku buchhałtarskuju spravu, pracavała instruktaram johi i aficyjantkaj.
U piatnicu ŭviečary bolš za 200 haściej prysutničali na pryjomie, jaki byŭ zładžany ŭ honar maładoj pary na vostravie Šepscholmien.
Viančańnie adbyvajecca ŭ subotu Karaleŭskaj kaplicy ŭ Stakholmie.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary