Parłamienckija vybary ŭ Danii vyjhrała apazicyja —pravacentryscki błok na čale ź lidaram libieralna-kansiervatyŭnaj partyi «Vienstre» Łarsam Lokie Rasmusenam atrymaje 90 mandataŭ z 175. Premjer-ministr krainy Chiele Torninh-Šmit pryznała parazu svajoj sacyjał-demakratyčnaj partyi i paviedamiła pra adstaŭku ŭrada.
U noč na piatnicu byŭ zavieršany padlik hałasoŭ na kantynientalnaj častcy krainy. Padlik hałasoŭ na Farerskich astravach i ŭ Hrenłandyi jašče nie skončany — ad hetych terytoryj u parłamient abirajecca čatyry deputaty.
Torninh-Šmit skazała: «Ranicaj ja paviedamlu karalevie (Danii Marhrete II) ab adstaŭcy ŭrada … Novy ŭrad ciapier treba budzie sfarmiravać (na čale Libieralnaj partyi) Łarsu Leka Rasmusenu. Ja žadaju jamu pośpiechu, jon pavinien być udziačny za toje, što prymaje krainu ŭ vydatnym stanie».
Premjer-ministr taksama pavinšavała paplečnikaŭ z tym, što jaje sacyjał-demakratyčnaja partyja znoŭ atrymała bolš hałasoŭ vybarščykaŭ, čym luboje inšaje palityčnaje abjadnańnie krainy (26,3%), choć hetaha i nie chapiła, kab vyvieści napierad ŭvieś levacentryscki błok.
Ciapierašni parłamient Danii pradstaŭleny 13 partyjami i dla abrańnia ŭ jaho nieabchodna pieraadoleć 2%-y barjer. Pa vynikach vybaraŭ 2011 hoda pieramohu atrymała levaja kaalicyja.
Kamientary