U ZŠA idzie sud nad školnaj nastaŭnicaj, jakaja była aryštavanaja za seksualnyja adnosiny z vučniami starejšych kłasaŭ.
36-hadovaja Bryjan Ałcis, jakaja vykładała anhielskuju movu ŭ adnoj sa škoł u pryharadzie Sołt-Łejk-Sici (štat Juta) paŭstała pierad sudom za toje, što, zhodna ź viersijaj abvinavačvańnia, u pieryjad z 2013 pa 2014 hh. spakusiła traich niepaŭnaletnich junakoŭ: adnaho šasnaccacihadovaha, dvuch inšych — siamnaccacihadovych. Bok abvinavačvańnia zapatrabavaŭ dla padsudnaj 30 hadoŭ turemnaha źniavoleńnia, paviedamlaje The Huffington Post.
Abvinavačvańnie Ałcis vystavili ŭ krasaviku hetaha hoda. Padsudnaja sama pryznałasia ŭ spakušeńni traich svaich vučniaŭ. Za kožny z troch epizodaŭ žančyna moža atrymać da 15 hadoŭ turemnaha terminu. Adnak, pa zakonach štata, maksimalnaje pakarańnie za padobnyja złačynstvy — 30 hadoŭ pazbaŭleńnia voli. Pavodle prysudu, Ałcis pavinna adsiedzieć dva hady, pierš čym zmoža padać chadajnictva ab umoŭna-daterminovym vyzvaleńni.
Padčas dačy pakazańniaŭ u sudzie padsudnaja płakała i pieraprošvała svajakoŭ paciarpiełych. Ałcis zajaviła, što jana taksama čałaviek i trapiła ŭ składanuju žyćciovuju situacyju. Advakaty žančyny budujuć abaronu na tym, što Ałcis pakutavała z-za chatnich źnievažańniaŭ i prablem z samaacenkaj, i tamu ŭstupiła ŭ adnosiny z padletkami.
Maci adnaho ź junakoŭ, zajaviła, što nastaŭnica naniesła padletkam nie tolki fizičnuju, ale i maralnuju škodu. «Ja całkam upeŭniena mahu skazać, što chłopčyki stali jaje achviarami», — skazała jana.
U toj ža čas, adzin z padletkaŭ naŭprost zajaviŭ, što nie ličyć svaju nastaŭnicu złačyncaj. Pavodle jaho słoŭ, abvinavačvańni suprać Ałcis prosta śmiešnyja i jana nie zasłuhoŭvaje źniavoleńnia.
Jak adznačajuć miascovyja ŚMI, kiraŭnictva škoły viedała pra suviaź nastaŭnicy z vučniami, ale tolki abviaściła joj vymovu i nie zvolniła.
Na minułym tydni 30-hadovuju nastaŭnicu z Fłarydy Dženifier Fichter prysudzili da 22 hadoŭ pazbaŭleńnia voli za seks z tryma jaje 17-hadovymi vučniami.
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi17
Kamientary