Dźmitry Miadźviedzieŭ sustrakaŭsia z premjer-ministram Słavienii Mirasłavam Ceraram. Rasija chacieła b pryciahnuć Lublanu da ŭdziełu ŭ hazapravodzie «Turecki patok», kab praź jaje haz išoŭ u Italiju i Aŭstryju.
Słavienija pakul razdumvaje.
Tradycyjna na palityku hetaj 2-miljonnaj słavianskaj krainy ŭpłyvajuć biznes-koły, jakija majuć vialikija intaresy ŭ Rasii.
U svoj čas mienavita maleńkaja Słavienija zabłakavała rašeńnie Jeŭrasajuza pra ŭzmacnieńnie sankcyj suprać łukašenkaŭcaŭ. Jak pisała słavienskaja hazieta «Dzieła», na heta paŭpłyvała słavienskaja budaŭničaja kampanija, jakaja mieła kantrakty z «Trajpłam» biełaruskaha multymiljaniera Čyža.
Na pres-kanfierencyi Miadźviedzieŭ i Cerar abodva zajavili pra važnaść zachavańnia terytaryjalnaj cełasnaści Ukrainy, ale Miadźviedzieŭ pry hetym dadaŭ, što treba ŭličvać rašeńnie Kryma pra dałučeńnie da Rasii, paviedamlajuć rasijskija infarmacyjnyja ahienctvy.
Kamientary