Na cyrymoniju ŭznaharodžańnia konkursu «Tryumf. Hierojam sportu — 2014» ministr prychodziŭ sa śpiavačkaj Alaksandraj Hajduk.
Paśla publikacyi ŭ «Našaj Nivie» historyi žyćcia ministra achovy zdaroŭja Vasila Žarko («Pa śladach Pastajałki» ŭ №22 za 10 červienia 2015 hoda) u Redakcyju źviarnuŭsia čytač. «Dzie ž žyvie šanoŭny spadar ministr? Niaŭžo jamu nie padaryli dom u Drazdach?» — zapytaŭsia jon.
Žarko nasamreč žyvie ŭ Drazdach, ale nie ŭ katedžy, a ŭ apartamientach. Na žonku ministra zarehistravanaja vializnaja trochpakajoŭka, płoščaj 123 m2, na vulicy Pijanierskaj, samaj darahoj u Biełarusi.
Kampanija «Trest Prambud» u pačatku 2010-ch uźviała tut try damki, pa 16 kvater u kožnym. Adkrytaha prodažu hetaj nieruchomaści nie było, tamu nieviadoma, kolki zapłaciła za žyllo siamja Žarko.
Možna tolki acanić — kvateru takoj samaj płoščy ich susiedzi (darečy, taksama miedyki) kupili ŭ ipateku. Kredytnaja damova była zaklučanaja bolš čym na 700 miljonaŭ rubloŭ. Na momant afarmleńnia heta było kala $320 tysiač.
Žyllo ŭ domie Žarko pradajecca pa $4100—4200 za kvadratny mietr. Takim čynam, rynkavaja cana kvatery ministra pieravyšaje paŭmiljona dalaraŭ.
Kamientary