Siońnia, 23 žniŭnia, niezakonnyja ŭzbrojenyja farmiravańni, pravakujučy siły ATA, užyvali pieravažna strałkovuju zbroju.
Pra heta paviedamiŭ pres-centr ATA na svajoj staroncy ŭ Facebook.
Adnak u ciomny čas sutak vorah niekalki razoŭ parušyŭ Minskija damoŭlenaści i vykarystaŭ uzbrajeńnie kalibra zvyš 100 milimietraŭ, adznačyli ŭ štabie.
«Tak, nočču na Łuhanščynie bajeviki niekalki razoŭ abstrelvali našy pazicyi ŭ stanicy Łuhanskaj z hranatamiotaŭ i bujnakalibiernych kulamiotaŭ. A z 5.15 i amal da 6 bili pa ŭkrainskich padraździaleńniach u hetym ža nasielenym punkcie z artyleryi kalibraŭ 152 i 122 milimietra i 120-milimietrovych minamiotaŭ», — havorycca ŭ paviedamleńni.
Stała viadoma, što ŭ rajonie Maryupala kala 2 nočy pa apornych punktach sił ATA ŭ Šyrokina i Sartanie taksama pracavała 152-milimietrovaja artyleryja voraha.
Akramia taho, pablizu Daniecka amal u hadzinu nočy pad ahniom 120-milimietrovych minamiotaŭ apynulisia Vopytnaje i Aŭdziejeŭka. A na Arciomaŭskim napramku ŭ 13.40 bajeviki bili ź minamiotaŭ pa Trajeckim.
«U toj ža čas, pavodle našych apieratyŭnych dadzienych, u šerahach bajevikoŭ surjozna pahoršyłasia dyscyplina. Mabilizavanyja mužčyny admaŭlajucca vajavać u chodzie realnych bajavych supraćstajańniaŭ. U pryvatnaści, na hetym tydni ŭ rajonie Novałaspy samavolna pakinuli pazicyi padraździaleńni, jakija byli sfarmavanyja z supracoŭnikaŭ MUS i dziaržbiaśpieki tak zvanaj DNR. Hety fakt u čarhovy raz pakazvaje, što ludzi Danbasa stamilisia ad vajny, i tolki maskoŭskija lalkavody žadajuć praciahvać krovapralićcie», — adznačyli ŭ štabie ATA.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie24
Kamientary