Ceny znachodziacca pad kantrolem, zajaŭlaje pres-słužba Ministerstva handlu Biełarusi.
«Pytańni vykanańnia zakanadaŭstva ab cenaŭtvareńni zajmajuć adzin z pryjarytetnych kirunkaŭ u pracy handlovaj inśpiekcyi Ministerstva handlu. Asablivaja ŭvaha nadajecca kantrolu za cenaŭtvareńniem na hrupy tavaraŭ, jakija rehulujucca: małako, chleb, płodaaharodninnuju pradukcyju, miasa i inš.», — havorycca ŭ paviedamleńni viedamstva.
Asnoŭnyja parušeńni, što dapuskajucca subjektami haspadarańnia ŭ hetaj śfiery, — prymianieńnie zavyšanych handlovych nadbavak na sacyjalna značnyja tavary, a taksama na tavary, ceny na jakija rehulujucca orhanami miascovaj ułady.
Tak, naprykład, u vyniku nievykanańnia miežavych handlovych nadbavak na rehulavanyja tavary AAT «Darors» (Minsk) była nieabhruntavana atrymana vyručka bolšaja za 11,3 młn. rubloŭ, TAA «Alteryks Plus» (Mahiloŭ) — zvyš 5 młn., PTUP «Jana» (Viciebskaja vobłaść, Rasonski rajon) — 4,6 młn. rubloŭ.
Materyjały pravierak adpraŭleny ŭ sudy. Vinavatym jurydyčnym asobam pahražajuć štrafy ŭ dvuchrazovym pamiery nieabhruntavanaj roźnicy ad zavyšeńnia cen.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły9
Kamientary