U siecivie adbyłasia premjera pieśni «To nia dudka» hurta«Krambambula«. Heta pieršy apublikavany trek z raźvitalnaha alboma «Čyrvony štral«, kancertnaja prezientacyja jakoha adbudziecca 7 łistapada ŭ Vilni. Biełarusy majuć mahčymaść atrymać biaspłatnyja vizy.
– Za svaju historyju «Krambambula» była hłamurnaj, była durakavataj, a zaraz situacyja prymusiła nas stać bolš surjoznymi, – raspavioŭ Lavon Volski. – Heta pieśnia budzie adčyniać albom, bo heta kštałtu pradmovy, uvodzinaŭ u temu. Jana pra toje, što siońnia my adtapyrvajemsia, a zaŭtra moža treba budzie iści zmahacca za rodny kraj.
Kancert u Vilni budzie składacca ź dźviuch častak: u pieršaj prahučyć novy dysk «Čyrvony štral», u druhoj – lepšyja pieśni ad pačatku isnavańnia za ŭvieś čas isnavańnia prajekta. Albom nazvany ŭ honar vilenskaj kaviarni, dzie na pačatku 20-ha stahodździa sustrakalisia pradstaŭniki biełaruskaj intelihiencyi, u tym liku stvaralniki BNR. Abvieščana, što paśla jaho vychadu i prezientacyi hurt sychodzić ŭ lasy.
Biaspłatnaja viza (biez konsulskaha zboru) z terminam z 6 da 8 listapada ŭklučna vydajecca na padstavie nabytych u Biełarusi kvitkoŭ na mierapryjemstva. Pracedura razhladu vizavych chadatajnictvaŭ – sproščanaja, tamu daviedki ź miesca pracy/navučańnia, paćvierdžańni płatazdolnaści nie patrabujucca. Pakrokavaja instrukcyja pa atrymańni vizy i rehistracyja na padaču dakumientaŭ.
Kvitki: tancpoł – 620 tys. rub., siadziačyja – ad 860 da 1100 tys. rub. Prodaž u Biełarusi – u kasach i na sajcie Kvitki.by, a taksama ŭ pab-kłubie «Hrafici», Minsk, zav. Kalinina 16). Infalinija ŭ Biełarusi: 638-4444 ź luboha apieratara
Kamientary