U Anhlii i Uelsie ŭstupiŭ u siłu zakon, jaki zabaraniaje kureńnie ŭ aŭtamabilach u prysutnaści dziaciej.
Zabarona dziejničaje navat u tym vypadku, kali ŭ mašynie adkryty vokny ci luk u dachu. Vyklučeńnie robicca pry jaździe ŭ kabryjaletach, a taksama kali havorka idzie pra kureńnie elektronnych cyharet.
Parušalnikam zakonu pahražaje štraf u 50 funtaŭ. Taki ž štraf zapłacić i kiroŭca transpartnaha srodku, kali jon nie pieraškodzić kuryć pasažyru ŭ prysutnaści dziciaci.
Pa statystycy, u Vialikabrytanii štohod da doktara źviartajucca 300 tysiač dziaciej u suviazi z zachvorvańniami, pryčyna jakich — pasiŭnaje kureńnie, pry hetym kala 9500 dziaciej špitalizujuć.
Čakajecca, što Šatłandyja ŭ nastupnym hodzie prymie anałahičny zakon. U Paŭnočnaj Irłandyi zajavili, što praanalizujuć, jak pracuje zakon u inšych častkach Vialikabrytanii i paśla hetaha prymuć rašeńnie.
U Vialikabrytanii dziejničajuć strohija zakony ŭ halinie kureńnia. U červieni ŭ hrafstvie Chambiersajd na poŭnačy Anhlii dvuchhadovaha chłopčyka addali na ŭsynaŭleńnie z-za taho, što jon žyŭ u domie, prasiaknutym pacham dymu ad cyharet. Hałoŭnaj padstavaj dla adabrańnia dziciaci ź siamji staŭ niepakoj uładaŭ za jaho zdaroŭje.
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi17
Kamientary