Pry hałasavańni za taho ci inšaha kandydata ŭ biuleteni dastatkova pastavić navat kropku, paviedamiła siońnia kiraŭnik Centralnaj vybarčaj kamisii Lidzija Jarmošyna ŭ prahramie «Aktualny mikrafon» na Pieršym nacyjanalnym kanale Biełaruskaha radyjo.
«U biuleteni staviać lubuju adznaku. Heta moža być nie tolki prasłavutaja ptuška, ab jakoj havorać. Možna napisać słova «Za». Dastatkova navat kropku prastavić u niejkaj hrafie, i heta budzie ličycca znakam», — rastłumačyła staršynia CVK. U tym liku kali vybarščyk hałasuje suprać usich kandydataŭ, jon pavinien pastavić luby znak u pustym kvadracie, raźmieščanym sprava ad radka «Suprać usich kandydataŭ».
Staršynia Centrvybarkama taksama adznačyła, što hramadzianie Biełarusi pavinny byli atrymać pa pošcie zaprašeńni naviedać vybarčyja ŭčastki 11 kastryčnika, adnak niekatoryja takich zaprašeńniaŭ nie atrymali, u suviazi z čym Lidzija Jarmošyna siońnia ŭbačyła ŭ svajoj elektronnaj pošcie pretenzii vybarščykaŭ. «Ja prašu prabačeńnia va ŭsich, chto nie atrymaŭ hetaha zaprašeńnia. Kali łaska, infarmujcie nas, my abaviazkova budziem umiešvacca, i, što nazyvajecca, vašy pravy buduć abaviazkova adnoŭleny. Vybarčaja kamisija nieabchodnyja zaprašeńni nakiruje», — zapeŭniła jana.
Pavodle słoŭ Lidzii Jarmošynaj, niekatorych biełaruskich hramadzian taksama chvaluje pytańnie, źviazanaje ź bijahrafičnymi danymi kandydataŭ, jakija raźmieščany ŭ infarmacyjnych materyjałach. «Jość pytańni pa bijahrafijach kandydataŭ, čamu jany nie paznačyli toje abo nie paznačyli heta. Adrazu chaču adznačyć: CVK nadrukavaŭ źviestki ŭ toj redakcyi, u jakoj nam pradstavili sami kandydaty ŭ prezidenty, my ich nie pravili. Heta značyć, kali kandydaty ŭ prezidenty nie ličać patrebnym paznačyć tuju ci inšuju častku svajoj bijahrafii, heta ich prava», — rastłumačyła jana.
Ciapier čytajuć
Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach1
Kamientary