Šunievič: Pravakatar, jaki vyjšaŭ u dzień vybaraŭ z rasijskim ściaham, zatrymany
Fota Siarhieja Hudzilina
Małady čałaviek, jaki pravakavaŭ udzielnikaŭ niesankcyjanavanaj akcyi 11 kastryčnika ŭ centry Minska, u tym liku rasijskim ściaham i ahresiŭnym pavodzinami, zatrymany milicyjaj. Pra heta paviedamiŭ siońnia žurnalistam ministr unutranych spraŭ Ihar Šunievič, pieradaje BjełTA.
Ministr rastłumačyŭ, što hety chłopiec znachodziŭsia ŭ stanie ałkaholnaha apjanieńnia.
Fota Ułada Šviadoviča
Nahadajem, što viečaram 11 kastryčnika (niadziela) u dzień vybaraŭ prajšła stychijnaja manifiestacyja ad Kastryčnickaj płoščy da płoščy Niezaležnaści, u jakoj uziali kala 250—300 čałaviek. Ludzi, što pratestavali suprać vynikaŭ vybaraŭ, dajšli praśpiektam Niezaležnaści da Čyrvonaha kaścioła, ale razhubilisia, što rabić dalej.
Tut źjaviŭsia niejki čałaviek, zahornuty ŭ rasijski ściah. Jak paviedamlali žurnalisty, jon pasprabavaŭ čaplacca da ŭdzielnikaŭ šeścia. Pa słovach žurnalistaŭ, ludzi ŭ cyvilnym, paraili jamu syści, i jon pad kryki ŭdzielnikaŭ akcyi chucieńka pajšoŭ da hatela «Minsk».
Supała tak ci nie, ale ŭvaha demanstrantaŭ pieraklučyłasia, što dapamahło niekalkim inšym «padazronym asobam» taksama źniknuć.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary