«Salidarnaść» vyśviatlaje, čym skončyłasia historyja z pravierkami pradprymalnikaŭ u Połacku.
Tydniem raniej masavyja pravierki na rynku ŭ Połacku stali pryčynaj stychijnaha strajku — bolš za 500 pradprymalnikaŭ na niekalki dzion spynili pracu. Častka ź ich rušyli ŭ haradskuju padatkovuju inśpiekcyju zajavić, što «nikoha nie addaduć i nikomu nie dazvolać zabirać tavar».
— Ciapier rynak pracuje, pradprymalniki pracujuć, novych pravierak paśla ŭsiaho hetaha nie było, — raspaviała «Salidarnasci» pradprymalnik z Połacka, člen RHA «Pierśpiektyva» Volha Šerstabitava. — Tym nie mienš padatkaviki ŭsio-tki pravieryli ludziej, jakich nie paśpieli z-za stychijnaha pratestu. Ich užo vyklikali ŭ padatkovuju: tyja atrymali dakumienty na ruki, daviedalisia kolki treba płacić štrafaŭ.
Pa słovach surazmoŭnicy, «adnoj žančynie vynieśli 19 miljonaŭ štrafu, inšy 32 miljony naličyli»:
— Reakcyja ludziej — my ŭsie ŭ šoku, tamu što ciapier handal idzie drenna - niama ludziej, praktyčna ničoha nie pradajecca. Tamu takija štrafy — heta surjoznyja hrošy. Ludzi nastrojenyja brać advakataŭ, jurystaŭ i adstojvać svaje pravy ŭ sudach.
Na dumku Volhi, takija žorstkija pravierki źviazany zusim nie z realnymi parušeńniami pradprymalnikaŭ, a z tym, što va ŭładaŭ skončylisia hrošy:
— Mnie na dniach patelefanavali i paprasili krychu raniej zapłacić padatak na nieruchomaść — udakładniali, kali mienavita ja jaho zapłaču. Takoha nikoli raniej nie było. Pra što heta kaža? Pra toje, što biudžet, chutčej za ŭsio, pusty.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary