Ministerstva abarony Rasii adprečyła abvinavačvańni hruzinskich uładaŭ u tym, što raniej u čaćvier rasijski vajenny viertalot parušyŭ pavietranuju prastoru Hruzii.
Pa słovach pradstaŭnika minabarony, rasijskija vajennyja viertaloty na praciahu apošnich sutak nie vykonvali paloty nad terytoryjaj, prylehłaj da miažy Hruzii.
«Nie vypadkova abvinavačvańni pradstaŭnikoŭ hruzinskaha vajennaha viedamstva na praciahu ŭsiaho minułaha dnia navat pryblizna nie pakazvali miesca parušeńnia pavietranaj prastory Hruzii», — zajaviŭ hienierał-major Ihar Kanašenkaŭ. Jon ličyć, što hruzinskamu boku varta abapiracca «na dadzienyja abjektyŭnaha kantrolu i, u pryvatnaści, radyjołakacyjnych srodkaŭ», pierš čym «u nastupny raz rabić hučnyja zajavy».
Pa słovach Kanašenkava, ab źjaŭleńni «pryvida rasijskaha vajennaha viertalota ŭ rajonie siała Miereci-Zardzijaantkary» hruzinskaje vajennaje viedamstva daviedałasia pa «sarafannym radyjo».
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym5
Kamientary