Pres-sakratar prezidenta Rasii Dźmitryj Piaskoŭ zajaviŭ, što vahańni kursu rasijskaha rubla z-za padzieńnia koštaŭ na naftu vyklikajuć u Kramli naściarožanaść.
«Biezumoŭna, padobnyja vahańni valuty vyklikajuć, viadoma, naściarožanaść, i, biezumoŭna, vielmi pilna za hetym nazirajuć u nas», — cytuje Piaskova ahienctva Interfaks.
Pry hetym jon adznačyŭ, što ŭsio ž pytańni ab cenach na naftu lepš adrasavać uradu, bo pradmietna hetaj prablemaj zajmajecca mienavita kabiniet ministraŭ.
U apošnija tydni ceny na naftu stabilna padajuć na fonie admovy APIEK skaracić uzrovień jaje zdabyčy. U paniadziełak košt fjučersa na pastaŭku nafty marki Brent u studzieni 2016 hoda na Łondanskaj biržy ICE upieršyniu z 2008 hoda apuściŭasia nižej za 37 dalaraŭ za baral.
U vyniku znoŭ pačaŭ padać kurs rasijskaha rubla da asnoŭnych valut. Pa stanie na 12.00 aŭtorka dalar kaštavaŭ bolš za 70 rubloŭ, a jeŭra — amal 78.
Kamientary