U budučyni moža iści havorka ab vyklučeńni zubra z Čyrvonaj knihi Biełarusi. Pra heta zajaviŭ ministr pryrodnych resursaŭ i achovy navakolnaha asiarodździa Andrej Kaŭchuta.
«Isnujuć prahramy adnaŭleńnia papulacyi zubra. Isnujuć płany dziejańniaŭ, kab zachavać hety vid. Jość prablemy. Havoračy ab vialikaj kolkaści zubra, varta pamiatać, što vielmi ciažka išoŭ praces adnaŭleńnia, tam było blizkarodnasnaje skryžavańnie i h.d. Heta pakidaje aściarohu ab tym, kab zachavać vyhlad, umacavać jaho i vyklučyć u pierśpiektyvie z Čyrvonaj knihi», - skazaŭ ministr.
Pavodle jaho słoŭ, ciapier na terytoryi Biełarusi ŭžo niekalki papulacyj zubroŭ. Heta robicca admysłova, kab jany raśli ŭ roznych umovach, kab umacoŭvaŭsia hienatyp žyvioły.
Kaŭchuta adznačyŭ, što raśsialeńnie zubroŭ idzie nie tolki ŭ Biełarusi, jany pradajucca i za miažu.
Nahadajem, pa dadzienych hadavoj daŭnaści ŭ Biełarusi było kala 1200 zubroŭ, tady jak u 1994 hodzie — 347. Biełaruś zajmaje druhoje miesca ŭ śviecie paśla Polščy pa kolkaści zubroŭ Biełaviežskaj linii.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary