Na Tajvani pabudavali carkvu ŭ vyhladzie kryštalnaha tuflika FOTAFAKT
Carkvu ŭ vyhladzie kryštalnaha tuflika pabudavali na akijanskim bierazie na paŭdniovym zachadzie vostrava Tajvań.
Budynak z 320 panelaŭ błakitnaha škła, vyšynioj 16 mietraŭ i koštam 23 miljony dalaraŭ, adkryjecca dla publiki 8 lutaha, u Novy hod pa kitajskim kalendary.
Budaŭnictva pačałosia ŭ červieni minułaha hoda pa inicyjatyvie administracyi papularnaha siarod miascovych i zamiežnych turystaŭ łandšaftnaha parku, na terytoryi jakoha i znachodzicca niebyvałaja carkva.
U ludziej zachodniaj kultury kryštalny tuflik, naturalna, vyklikaje dumku pra Papiałušku, ale carkvu ŭźviali ŭ pamiać ab inšaj historyi, realnaj i kudy bolš sumnaj.
Biednaja dziaŭčyna Vonh, jakaja žyła ŭ tym krai ŭ 1960-ja hady, z-za ciažkaj chvaroby padvierhnułasia amputacyi abiedźviuch noh, jaje ŭžo zapłanavanaje viasielle było admieniena, i jana praviała ŭsio žyćcio pry miascovym chramie.
Rehularnych słužbaŭ u novaj carkvy nie budzie. Jana pryznačajecca vyklučna dla viasielnych cyrymonij, i naohuł, pavodle zadumy stvaralnikaŭ, dla pryciahnieńnia ramantyčna nastrojenych turystaŭ, dakładniej, turystak.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary