Najbližejšym časam premjer-ministr Biełarusi Andrej Kabiakoŭ płanuje naviedać šerah rasijskich rehijonaŭ, u pryvatnaści Sankt-Pieciarburh i Respubliku Tatarstan.
Pra heta jon paviedamiŭ 19 studzienia padčas sustrečy ŭ Minsku ź dziaržsakratarom Sajuznaj dziaržavy Ryhoram Rapotam, paviedamlaje pres-słužba ŭrada Biełarusi.
Jak zaznačyŭ Kabiakoŭ, Biełarusi i Rasii ŭ miežach Sajuznaj dziaržavy nieabchodna adnavić uzajemny tavaraabarot: «U novym hodzie my pavinny abnavić usie svaje zadumki. Na žal, nie ŭsio atrymałasia ŭ 2015 hodzie tak, jak my mierkavali. Napieradzie vialikaja praca pa adnaŭleńni pierš za ŭsio ŭzajemnaha tavaraabarotu».
Premjer-ministr dadaŭ, što ekanomiki dźviuch dziaržaŭ pastupova adaptujucca da novych źniešnieekanamičnych umoŭ. «Dumaju, što my adnovim prahramy ŭzajemnaha supracoŭnictva, jakija nie spynialisia, ale realizoŭvalisia nie tak intensiŭna, jak varta było b», — zajaviŭ jon. Pavodle słoŭ Kabiakova, «treba budzie aktyŭna zaniacca tym, kab ekanamičnyja subjekty dźviuch krain atrymali novyja impulsy dla ŭzajemnaha supracoŭnictva».
Jak paviedamiŭ žurnalistam paśla sustrečy Ryhor Rapota, z kiraŭnikom urada Biełarusi jany abmierkavali aktualnyja pytańni supracoŭnictva ŭ miežach Sajuznaj dziaržavy, u tym liku paradak dnia pasiadžeńnia Vyšejšaha dziaržaŭnaha savieta Sajuznaj dziaržavy, jaki płanujecca pravieści ŭ pieršym kvartale 2016 hoda ŭ Minsku.
Jon paviedamiŭ, što kolkaść prahram Sajuznaj dziaržavy płanujecca pavialičyć. «Biudžet Sajuznaj dziaržavy na 2016 hod zastaŭsia niaźmiennym, kolkaść prahram sioleta spadziajemsia pavialičyć. Dla hetaha stvoranaja dobraja baza. Da kanca minułaha hoda my ŭzhadnili šeść kancepcyj. Kali nam udasca ich pieratvaryć u paŭnavažkija prahramy, heta budzie surjozny ŭniosak u navukova-techničnaje supracoŭnictva našych dziaržaŭ», — rastłumačyŭ Rapota.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii50
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary