Minčuku ŭ zamovu z fastfudu pakłali kubak, ź jakoha niechta piŭ užo
Žychar Minska zasumniavaŭsia ŭ kubku-chamieleonie, atrymanym u adnym z restaranaŭ Mak.by. Pa jaho słovach, aksesuar vyhladaŭ jak juzany.
Svaju niezadavolenaść małady čałaviek apublikavaŭ u Threads, paśla čaho situacyja zacikaviła kantrolnyja orhany, paviedamili Minsk-naviny.
Jon aformiŭ zakaz na vynas i razam ź ježaj nabyŭ kubačak. Adnak doma jon zaŭvažyŭ na trubačcy brudnyja ślady. Chtości ź jaho vidavočna ŭžo piŭ.
U kamientarach pad publikacyjaj pradstaŭniki sietki paviedamili, što źviazalisia z aŭtaram zvarotu dla vyśviatleńnia abstavinaŭ. Detali razmovy raskryvać nie stali. Paźniej u kampanii ŭdakładnili: supracoŭniki dadatkova prainstruktavany pra praviły zachoŭvańnia i vydačy promapradukcyi, a taksama pra nieabchodnaść uvažliva ahladać takija tavary pierad pieradačaj klijentam.
Paśla źjaŭleńnia skarhi kafe pravieryli śpiecyjalisty Centra hihijeny i epidemijałohii Maskoŭskaha rajona. Pavodle ich infarmacyi, kubki-chamieleony nie pradajucca jak asobny tavar — jany adnosiacca da rekłamnaj pradukcyi i vydajucca biaspłatna ŭ ramkach akcyj.
Jak patłumačyli ŭ sanitarnaj słužbie, takija kubki zachoŭvajucca asobna ad charčovaj pradukcyi, kožny ŭpakavany ŭ asobny pakiecik. Nakryŭki i trubački znachodziacca ŭ asobnych upakoŭkach. Pierad vydačaj supracoŭnik vymaje kubak z skrynki, nie zdymajučy achoŭnaha pakieta, kamplektuje jaho nakryŭkaj i trubačkaj u adnarazovych palčatkach. Pry hetym kubki nie vykarystoŭvajucca dla raźlivu napojaŭ — naviednikam pieradajuć novyja vyraby, što raniej nie znachodzilisia ŭ ekspłuatacyi.
U sanitarnaj słužbie dadali, što infarmacyja z sacyjalnych sietak budzie ŭličana pry płanavańni dalejšych nahladnych mierapryjemstvaŭ u adnosinach da pradpryjemstva.
-
Šunievič: Adzinaja meta dazvołu palavańnia na miadźviedziaŭ i rysiaŭ — dać bolš svabody palaŭničym u vybary trafiejaŭ
-
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
-
U Parku Čaluskincaŭ z koła ahladu źniali kabinki FOTAFAKT
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi14
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary