Adbyłasia telefonnaja razmova kiraŭnikoŭ Biełarusi i Rasii Alaksandra Łukašenki i Uładzimira Pucina.
Kiraŭniki dziaržaŭ abmierkavali hrafik sumiesnych mierapryjemstvaŭ na pierśpiektyvu. U pryvatnaści, uvaha była sfakusavana na dźviuch bujnych padziejach: pasiadžeńni Najvyšejšaj dziaržaŭnaj rady, jakoje adbudziecca ŭ kancy lutaha ŭ Minsku, i III Forumie rehijonaŭ Biełarusi i Rasii, jaki taksama projdzie ŭ biełaruskaj stalicy ŭ červieni.
Asnoŭnaj temaj jak siońniašniaj hutarki, tak i majučych adbycca dvuch mierapryjemstvaŭ źjaŭlajecca ekanomika. Na NDR ekanamičnyja pytańni buduć abmiarkoŭvacca na makraŭzroŭni, a padčas Forumu budzie razhledžana, jak pracujuć kankretnyja haliny nad pieraadoleńniem ciažkaściaŭ u ekanomicy.
U telefonnaj razmovie havorka išła ab mierach pa sinchranizacyi dziejańniaŭ u isnujučych umovach.
Lidary źviarnuli ŭvahu na fakt pačatku dziejańnia pahadnieńnia Ukrainy ź ES ab stvareńni zony svabodnaha handlu i ŭ hetaj suviazi abmierkavali dziejańni krain na bližejšuju pierśpiektyvu ŭ hetych umovach.
Kiraŭniki dziaržaŭ zakranuli i niekatoryja pytańni funkcyjanavańnia Jeŭrazijskaha ekanamičnaha sajuza.
Akramia taho, Alaksandr Łukašenka i Uładzimir Pucin damovilisia sustrecca ŭ bližejšy čas i ŭ zakrytaj i bolš hruntoŭnaj hutarcy abmierkavać pytańni dvuchbakovych adnosin.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary