Ułady Irana abviaścili pra razmarozku zamiežnych aktyvaŭ na sumu kala 100 młrd dalaraŭ, zamarožanych u suviazi z uzmacnieńniem žorstkaści mižnarodnych sankcyj suprać krainy ŭ 2012 hodzie.
Havorka idzie pra prybytak ad naftavych uhod, jaki na praciahu niekalkich hadoŭ nazapašvaŭsia na rachunkach u kitajskich, indyjskich, japonskich i bankach inšych krain.
«Hetyja aktyvy całkam razmarožanyja, i my možam imi karystacca», — skazaŭ aficyjny pradstaŭnik urada Machamied Bakr Naŭbachkt u intervju miascovamu telebačańniu.
Jak paviedamlajecca, repatryjacyi fondaŭ pieraškadžała adklučeńnie iranskich bankaŭ ad sistemy pieravodaŭ SWIFT. U niadzielu Centrabank krainy abviaściŭ, što dostup bankaŭ da sistemy adnoŭleny.
Iran paśla źniaćcia ź jaho mižnarodnych sankcyj užo zaklučyŭ niekalki bujnych mižnarodnych uhod. Padčas jeŭrapiejskaha turne prezidenta krainy ŭ Italii byli padpisanyja kantrakty na sumu amal 17 młrd dalaraŭ, a ŭ Francyi — jašče na 25 młrd.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie2
Kamientary