Arcybiskup Hudžeroci zaklikaŭ ukraincaŭ zrazumieć kampramis papy Franciška, kab sustreča z patryjarcham Kiryłam mahła adbycca VIDEA
U Kijevie u hreka-katalickim sabory Uvaskrasieńnia Chrystova 14 lutaha Apostalski nuncyj va Ukrainie arcybiskup Kłaŭdyjo Hudžeroci paśla Boskaj Liturhii na zaviaršeńnie Hoda kansekravanaha žyćcia prakamientavaŭ sustreču Papy Rymskaha z Patryjarcham Maskoŭskim, nahadaŭšy pra nieabchodnaść zaŭsiody bačyć sonca za chmarami i ŭdakładniŭšy, što ŭ dadzienym vypadku rolu chmaraŭ adyhryvali samaloty.
«Nam zastavałasia tolki siadzieć pierad televizaram i hladzieć na sustreču dvuch samalotaŭ, — ale heta taksama sustreča dvuch čałaviek, a sustreča dvuch čałaviek zaŭsiody jość tajamnicaj Božaj, — kaža pradstaŭnik Vatykana. — Treba ŭsio addać Božaj miłasernaści. Kali nie rabić nijakich krokaŭ napierad, budzie artroz. Ja viedaju, jak vaš narod pakutuje z-za ciažkaściaŭ z razumieńniem hetaj sustrečy», pieradaje credo-ua.org.
Fota Catholic.by
«Prašu vas być ciarplivymi, tamu što nie zaŭsiody ŭsie, chto chočuć niešta skazać, mohuć heta skazać. Davodzicca šukać kampramis. Ja viedaju, kolki pracy kaštavała padpisać hetaki dakumient. Ale nie ŭ padpisanym reč. Toje, što ludzi zapomniać, — heta abdymki», — kaža ijerarch.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary