Pra heta paviedamiła siońnia načalnik upraŭleńnia abarony pravoŭ spažyŭcoŭ i kantrolu za rekłamaj Minhandlu Iryna Baryšnikava na pres-kanfierencyi, arhanizavanaj u pres-centry BIEŁTA.
«Struktura spažyvańnia praduktaŭ charčavańnia, jakaja ŭ nas skłałasia, nie ŭ poŭnaj miery adpaviadaje normam, rekamiendavanym Ministerstvam achovy zdaroŭja. Nasielnictva šmat spažyvaje cukru — na 11,5 kh u hod bolš, čym zakładziena ŭ normach. Šmat spažyvajecca miasnych praduktaŭ, jajek, tłuščaŭ, bulby pry nizkim spažyvańni ryby i morapraduktaŭ, małočnaj pradukcyi i sadaviny», — adznačyła Baryšnikava.
Pavodle jaje słoŭ, za apošnija piać hadoŭ spažyvańnie miasa i miasapraduktaŭ pavialičyłasia na 4 kh na dušu nasielnictva. «Ale my adychodzim ad zakładzienych normaŭ na 18 kh. Heta značyć, my za piać hadoŭ pavialičyli razychodžańnie z normami — zamiest taho, kab źnižać pakazčyki, my ich pavialičvajem», — patłumačyła jana.
Jana kanstatavała, što biełarusy ŭžyvajuć jajek na 41 štuku u hod bolš, čym zakładziena ŭ normach, aleju — na 7,6 kh, bulby — na 47,9 kh. «Pry hetym spažyvańnie ryby nie dachodzić da normy na 4,2 kh, małaka — na 91,5 kh. Heta značyć, nam pracavać i pracavać u kirunku farmavańnia pravilnaha staŭleńnia da racyjonu charčavańnia», — padahulniła Iryna Baryšnikava.
Kamientary