10 hadoŭ z času Płoščy-2006: piać histaryčnych vysnoŭ
Piša Andrej Dyńko.
10 hadoŭ tamu ŭ Minsku adbylisia pratesty na Płoščy. Ciapier Płošča — heta historyja. Davajcie ž zirniem na jaje z histaryčnaj pierśpiektyvy.
Raz za razam
Pratesty na Płoščy ŭpisvajucca ŭ ahulny šerah 1996, 1999, 2010, 2011 hadoŭ.
Kožny raz u ich udzielničali dziasiatki tysiač čałaviek. Takim čynam, heta nie vypadkovaść, nie adzinkavy fakt, a histaryčnaja zakanamiernaść.
Histaryčnyja paraleli
Jakoje paraŭnańnie naprošvajecca ŭ historyi Biełarusi? Z paŭstańniami XVIII—XIX stahodździa. I tady, i tady byŭ mocny ramantyčny paryŭ, raz za razam ludzi paŭstavali, i kožny raz heta skančałasia ničym.
Nie stralali
U čym adroźnieńnie vystupaŭ apošnich dziesiacihodździaŭ ad XIX stahodździa? U tym, što «paŭstańni» našaha času byli mirnyja.
U ludziej u Minsku ni razu nie stralali — treba addać naležnaje Alaksandru Łukašenku. Ale i ludzi ŭ śpiecnaz nie stralali.
Z histaryčnaj pierśpiektyvy heta važny fakt, jaki daje nadzieju, što pry hetaj palityčnaj sistemie ŭ Biełarusi i ŭ budučyni mahčymaja biaskroŭnaja palityčnaja baraćba.
Krytyčnaja masa
Vinavaciać Milinkieviča, što Płošča 2006 hoda nie dasiahnuła pośpiechu. Ale voś u 96-m byŭ Paźniak, a ŭ 2010-m — Statkievič i Sańnikaŭ. A vynik — prykładna toj samy.
Fakt, što i ŭ 1996, i ŭ 2006 i ŭ 2010 krytyčnaj masy nie sabrałasia, i heta abumoviła vynik. Ale i da krytyčnaj masy było nie tak i daloka — dosyć było b, kab sabrałasia ŭ 2—3 razy bolš ludziej, i ŭpłyŭ takoj padziei na hramadstva byŭ by jašče bolšy.
A što treba dla krytyčnaj masy? Treba takija idei, jakija byli b blizkija jašče šyrejšamu kołu ludziej.
I što ŭsio heta značyć?
Pieryjadyčnaść masavych pratestaŭ u Biełarusi nahadvaje polskija padziei ŭ 1956, 1968, 1970, 1980. Abo paŭstańni ŭ Paryžy ŭ XIX st.
Pieryjadyčnaść vystupaŭ daje šaniec, što adnojčy, kali dla taho stvoracca ekanamičnyja i hieapalityčnyja pieradumovy, idei pieramien, idei ruchu za hramadzianskija pravy i niezaležnaść pieramoža i ŭ Biełarusi.
Varta nahadać, što ni adna ź pieradavych krain śvietu nie abychodziłasia biez vuličnych pratestaŭ, a to i paŭstańniaŭ. I ZŠA, i Niderłandy, i skandynavy. Biełarusy taksama svaimi pratestami zaśviedčyli, što hatovy budavać hramadstva pa-inšamu.
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary