U siecivie vyśmiejali čarhovy «pierł» kisialoŭskaj prapahandy pra Navalnaha — ahienta CRU VIDEA
Učorašni fejk rasiejskaj prapahandy pra Alaksieja Navalnaha — ahienta CRU i brytanskich śpiecsłužbaŭ — padaŭsia nievierahodnym navat rasijskaj internet-supolnaści i staŭ abjektam kpinaŭ.
U niadzielu Dźmitryj Kisialoŭ u svajoj prahramie «Vieści tydnia» anansavaŭ «siensacyjnaje» rasśledavańnie: nibyta CRU 10 hadoŭ tamu zavierbavała Alaksieja Navalnaha praź Biła Braŭdera — zasnavalnika fondu Hermitage Capital, kab razvalić kanstytucyjny ład Rasii. Bolš za toje, u siužecie Navalny abvinavačvajecca ŭ zabojstvie Mahnickaha.
Rasiejski apazicyjanier byccam by nasiŭ psieŭdanim «ahient Frydam» i kamunikavaŭ sa svaim kurataram — «ahientam Sałamonam» praz skajp.
Pry hetym u «dakumientach śpiecsłužbaŭ» znajšli mnostva pamyłak — jak hramatyčnych, tak i łahičnych. U ich pierabłytanyja daty, list padpisany viedamstvami, jakija byli rasfarmavanyja za niekalki hadoŭ da napisańnia. Akramia taho, padobna, što aŭtary hetych «dakumientaŭ» akazalisia drennymi znaŭcami anhlijskaj, a pierakład rabiŭsia praz Google Translate.
Taksama, što jašče bolš dziŭna, u rasparadžeńni redakcyi niejkim čaroŭnym čynam akazaŭsia zapis razmovy nibyta Alaksieja Navalnaha i Illi Panamarova ŭ skajpie. Pry tym, što zapis prajhravaŭsia ŭ žachlivaj «šypiačaj» jakaści, hałasy ludziej byli zusim nie padobnyja na hałasy Panamarova i Navalnaha. Darečy, pra mietad atrymańnia zapisu ŭ kampanii Skype, jakaja naležyć Microsoft, taksama zamoŭčvajecca.
Reakcyja na siužet akazałasia nie zusim takoj, na jakuju, vidavočna, raźličvali jaho aŭtary — banalny i da taho ž «chałturna» zrobleny fejk vyśmiejali.
Sam Navalny ŭ svaim błohu nazvaŭ siužet «šedeŭram».
«Heta novyja viaršyni, siabry maje. Harantuju vam ahromnistaje zadavalnieńnie ad prahladu śviežaha šedeŭra Dźmitryja Kisialova. (…) Va ŭsioj hetaj situacyi ja žudasna rady dźvium rečam. Pieršaje — kramloŭskaj chieŭry nastolki niama čaho mnie pradjavić, što ŭ spravu pajšli «dokaznyja zdymki teleekrana». Druhoje — ahienturnuju mianušku mnie prydumali pryhožuju — ahient Freedom», — napisaŭ Navalny ŭ svaim błohu.
Reakcyja sacsietak — nižej:
Ciapier čytajuć
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy1
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary