Jak u Hiermanii vavierčaniat ratujuć

Viasnoj u parkach Hiermanii znachodziać tysiačy zhublenych dzicianiat vaviorak, zajcoŭ i vožykaŭ. DW daviedałasia, chto prychodzić na dapamohu maleńkim źviarkam.

Pavialičyć

Viasna siarod abaroncaŭ žyvioł ličycca haračaj paroj: mienavita ŭ hety čas hoda dzicianiaty lasnych źviarkoŭ asabliva ŭraźlivyja i časta hublajuć svaich baćkoŭ. U Niamieččynie jakraz dla takich vypadkaŭ isnuje śpiecyjalnyja vyratavalnyja słužby. Adna ź ich — vaviorčyna «haračaja linija» Eichhörnchen Notruf (Teł 0700 200 200 12). U jaje rabocie zadziejničana bolš za 10 supracoŭnikaŭ. Śpiecyjalisty kansultujuć i zadajuć najvažniejšyja pytańni: ci jość mahčymaść viarnuć vavierčania nazad u les, ci viadoma, dzie znachodzicca maci žyviolinki, ci paraniena dziciania.

Prafiesijny padychod

Kali źviarku sapraŭdy patrabujecca dapamoha, supracoŭnik «haračaj linii» nakiruje taho, chto telefanuje, u adzin ź filijałaŭ słužby, jakija raźmieščany pa ŭsioj krainie. «My ŭsio ž starajemsia viarnuć dziciania mamie, kali heta mahčyma, abo nakiravać jaho tudy, dzie jamu akažuć pieršuju dapamohu i potym viernuć u les», — raspaviała ŭ intervju DW pradstaŭnik arhanizacyi Eichhörnchen Notruf u Bierlinie Kryścina Zarec (Christine Saretz).

Rabotnikaŭ «haračaj linii» kansultujuć prafiesijnyja lekary. Bierlinskaja słužba, da prykładu, ciesna supracoŭničaje ź vieterynarnaj klinikaj Svabodnaha ŭniviersiteta Bierlina. Stancyi pa pryjomie vaviorak u bolšaści vypadkaŭ raźmieščany ŭ damach u vałancioraŭ i abstalavany valjerami dla hryzunoŭ.

Pry hetym dobraachvotniki znachodziacca ŭ pastajannym kantakcie sa śpiecyjalistami. Vaviorcy možna dapamahčy, i nie budučy vieterynaram: na sajcie arhanizacyi Eichhörnchen Notruf jość śpiecyjalnaja pamiatka ab pieršych dziejańniach, jakija nieabchodna vykanać pry vyjaŭleńni pakinutaj žyvioły.

Pieršaja dapamoha

«Kali vy znajšli stračanaje vavierčania, samaje hałoŭnaje — pravieryć, ci jość pablizu mama ci inšyja źviarki. Ahledźcie, ci niama ŭ jaho ranieńniaŭ. Dziciania adrazu ž varta źmiaścić u ciopłaje miesca, akramia taho treba zdavolić jaho smahu, ale ni ŭ jakim razie nie paić małakom. Možna dać kipiačonaj padsolenaj vady i nie sprabavać adrazu ž nakarmić vavioračku», — tłumačyć Zarec.

Pavialičyć

Pa ŭsioj Hiermanii na hod znachodziać bolš za tysiaču maleńkich źviarkoŭ, kožny filijał arhanizacyi Eichhörnchen Notruf prymaje kala 70—80 žyvioł. Kali heta dziciania, jaho źmiaščajuć da inšych maleč. Žyvioł starejšych sielać u valjery na vulicy. Paśla taho, jak vaviorku vychadzili, jaje vypuskajuć na volu. Dźviery kletki pakidajuć adkrytaj, i žyvioły vybiahajuć na pryrodu — chtości adrazu, chtości krychu paźniej. Byli vypadki, kali vavierčania zastavałasia tam niekalki dzion. Niekatoryja sa źviarkoŭ viartajucca, tamu što nie mohuć samastojna znajści novaje žyllo i pamiatajuć, što ŭ kletcy była ježa.

Vaviorčyny apiekuny

«Haračaja linija» isnuje vyklučna na siabroŭskija składki i achviaravańni. «Amatary maleńkich hryzunoŭ robiać dobraachvotnyja pieraličeńni pa 25 jeŭra, naŭzamien ad nas jany atrymlivajuć pryhožy «list padziaki apiekuna». Takich ludziej šmat», — raskazvaje Kryścina Zarec.

Byvajuć i prystojnyja sumy. «Da prykładu, niadaŭna adna bujnaja kampanija, čyja nazva źviazana z vaviorkami, zrabiła bujny ŭniosak. Finansavańnie idzie z roznych krynic, i ja skažu, što situacyja vielmi navat niadrennaja», — adznačaje Kryścina Zarec. Zaraz u bierlinskuju arhanizacyju Eichhörnchen Notruf ŭvachodziać 115 čałaviek.

Akramia vaviorak, ratujuć i inšych zhublenych dzicianiat: naprykład, zajčaniat, vožykaŭ i navat dzikoŭ. Ale varta pamiatać, što ŭ Niamieččynie zakanadaŭča zabaroniena zabirać dadomu dzicianiat dzikich žyvioł, i tamu varta heta rabić tolki ŭ tym vypadku, kali jany sapraŭdy majuć patrebu ŭ dapamozie.

• 0
• 0
• 0
• 0
• 0
• 0
• 0
• 0