U Minsku zatrymanyja 10 čałaviek, jakija spałučali zabaŭlalny biźnies ź iłžepradprymalnickaj dziejnaściu. Pra heta paviedamlaje dziaržaŭnaje ahienctva BiełTA sa spasyłkaj na namieśnika staršyni Kamiteta dziaržaŭnaha kantrolu — dyrektara departamienta finansavych rasśledavańniaŭ Ihara Maršałava.
«Učora była spyniena dziejnaść arhanizavanaj złačynnaj hrupy na čale z dosyć viadomym u krainie čałaviekam, jaki razam sa svajoj lehalnaj dziejnaściu ŭ śfiery zabaŭ arhanizavaŭ niezakonny biźnies pa akazańni pasłuh sub`iektam realnaha siektara ekanomiki pa ŭchileńni ad vypłaty padatkaŭ», — paviedamiŭ Maršałaŭ.
U arhanizavanaj złačynnaj hrupy kanfiskavana bolš za 180 piačatak roznych pradpryjemstvaŭ, u tym liku nierezidentaŭ Respubliki Biełaruś. Usiaho, pavodle apieratyŭnych danych, u hetaj złačynnaj hrupy naličvajecca zvyš 1,1 tys. kontrahientaŭ, sumy niavypłačanych padatkaŭ niekatorych ź ich pieravyšajuć 3—4 młrd. rubloŭ.
Padrabiaznaści hetaj hučnaj spravy KDK abiacaje paviedamić praź niekalki dzion.
Kamientary