«Heta nieachajnaść žurnalista, čystaja!»: ANT pakaraje žurnalista, jaki puściŭ u efir achinieju vice-premjera Kalinina
Siońnia biełaruski internet śmiajecca sa słovaŭ vice-premjera Anatola Kalinina, jakija trapili ŭ efir dziaržaŭnaha kanału ANT.
U karotkim frahmiencie intervju Kalinin vykazaŭsia tak zabłytana, što heta stała nahodaj dla žartaŭ.
«Bolšaść našych hramadzian karystalnikaŭ IT-technałohijami i internet-resursam z 9,5 miljona hramadzian majuć abanienckaje prykładańnie i karystańnie kala 13 miljonaŭ našych hramadzian. Heta śviedčyć ab tym, što stvorany resurs, jaki dazvalaje lubomu karystalniku vykarystoŭvać samyja sučasnyja trafiki dla ŭkaranieńnia intehracyi i raźvićcia svaich mahčymaściaŭ popytu intaresaŭ», — skazaŭ Kalinin.
Jak taki zapis papaŭ u efir?
Pra heta «Našaj Nivie» raskazaŭ dyrektar infarmacyjnaha viaščańnia ANT Rusłan Paddubski.
«Žurnalist pryjechaŭ sa zdymak za dźvie chviliny da efiru. Nie da kanca adhledzieŭšy videa, jon zmantavaŭ jaho, vydaŭ. I praz toje, što brakavała času, nie było mahčymaści jaho prahledzieć, pravieryć. U nas ža zvyčajna videa praviarajecca vypuskajučym redaktaram. Hetuju pamyłku zaŭvažyli, kali było ŭžo pozna», — skazaŭ Paddubski.
«Vice-premjer nie pakryŭdžany. Heta pracoŭnyja momanty, jon usio razumieje», — dadaŭ Paddubski i adznačyŭ, što siońnia Kalinin pryjdzie na ANT i daść intervju Ryhoru Kisialu [staršynia praŭleńnia ANT — NN], u jakim patłumačyć sens svaich słovaŭ.
«Heta nieachajnaść žurnalista, čystaja! Što z usiaho intervju vybrali mienavita niekarektnuju častku. I niejkija dyscyplinarnyja miery da jaho biezumoŭna buduć pryniatyja, bo heta parušeńnie vytvorčaj dyscypliny», — padsumavaŭ Paddubski.
-
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
-
Ramont Čyrvonaha kaścioła pačnuć u červieni
-
Jak płanujuć pravodzić lustracyju ŭ Biełarusi i chto pad jaje trapić? Ofis Cichanoŭskaj pradstaviŭ kancepcyju
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary