Ambasadar Polščy ŭ Rasii Katažyna Pełčyńska-Nałenč vyklikanaja ŭ rasiejski MZS z-za admovy Polščy dazvolić ujezd u krainu ŭdzielnikam motaprabiehu, arhanizavanaha kłubam «Načnyja vaŭki».
Lidar motakłuba «Načnyja vaŭki» Alaksandr Załdastanaŭ pa mianušcy Chirurh viadomy jak prychilnik prezidenta Rasii Uładzimira Pucina i adzin ź lidaraŭ praŭładnaha ruchu «Antymajdan». Ułady krain Jeŭropy, ZŠA i niekatorych inšych dziaržaŭ uklučyli jaho ŭ «čorny śpis» — jamu, u pryvatnaści, zabaronieny ŭjezd u hetyja krainy.
Jeŭrapiejskija ŭłady admoŭna ŭsprymajuć inicyjatyvy rasiejskich praŭładnych aktyvistaŭ pravieści aŭtaprabiehi na terytoryi ES, rasceńvajučy padobnyja dziejańni jak pravakacyju.
U 2015 hodzie Polšča admoviłasia prapuścić na svaju terytoryju «Načnych vaŭkoŭ», a na terytoryi Hiermanii vyśvietliłasia, što Bierlin anulavaŭ vizy niekatorym ź ich.
Raniej pres-sakratar polskaj ambasady ŭ Maskvie Bartaš Cichocki zajaviŭ, što ŭdzielnikaŭ motaprabiehu nie prapuściać na terytoryju Polščy.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary