Kantaktnaja hrupa pa Ukrainie vystupiła za pieramirje z 0.00 30 krasavika, paviedamiŭ siońnia žurnalistam śpiecpradstaŭnik ABSIE Marcin Sajdzik.
«Padtrymku atrymała ideja poŭnaha spynieńnia ahniu, asabliva ŭ suviazi z nadychodziačym Vialikadniem i majskimi śviatami», — skazaŭ Marcin Sajdzik. Jon ahučyŭ zajavu kantaktnaj hrupy nakont hetaha. «Damovilisia, što adpaviednyja rasparadžeńni ab poŭnym zachavańni režymu spynieńnia ahniu buduć daviedzieny da ŭsich adkaznych asob na miescach. Taksama paćvierdžana, što buduć pryniaty nieabchodnyja kroki z metaj harantavańnia biaśpieki nahladalnikaŭ śpiecyjalnaj manitorynhavaj misii ABSIE», — havorycca, u pryvatnaści, u zajavie.
Trochbakovaja kantaktnaja hrupa budzie adsočvać zachavańnie hetaha rašeńnia i zrobić nieabchodnyja kroki, uklučajučy praviadzieńnie nieadkładnych uzajemnych kansultacyj u vypadku jaho nievykanańnia.
«U suviazi z zajaŭlenym trochbakovaja kantaktnaja hrupa źviartajecca da śpiecyjalnaj manitorynhavaj misii ABSIE, kab taja paznačała ŭ svaich spravazdačach adkaznych za kankretnyja parušeńni režymu spynieńnia ahniu, kali takija vypadki buduć mieć miesca», — taksama adznačana ŭ zajavie.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły9
Kamientary