U Rasii chočuć zarehistravać tavarny znak dla maroziva «Zamarožany Danbas»
Pra heta paviedamiŭ prezident Pieršaj patentnaj kampanii (PPK) Anatol Aronaŭ.
«Zajaŭnik — dziaŭčyna, jakaja žyvie ŭ Rastoŭskaj vobłaści na miažy RF i Ukrainy, jana zajmajecca drobnym handlem, padumvaje pad hetym tavarnym znakam pradavać maroziva i napoi», — skazaŭ Aronaŭ.
Pavodle jaho słoŭ, miarkujecca, što prodažy buduć ažyćciaŭlacca ŭ časova akupavanym Danbasie, u pieršuju čarhu, u Daniecku i Łuhansku.
Aronaŭ nie vyklučyŭ, što častka hrošaj ad vyručki budzie pieradavacca akupacyjnym uładam dla «mirnaha ŭrehulavańnia kanfliktu».
«Hałoŭnaja zadača pry realizacyi hetaj idei — abjadnańnie ludziej, a nie raźjadnańnie», — padkreśliŭ jon.
Akramia hetaha, jon prademanstravaŭ zajaŭku na rehistracyju takoha tavarnaha znaka, jakuju padała Maryja Kaleśnikava.
Raniej Aronaŭ paviedamlaŭ, što ŭ Rasii majuć namier zarehistravać handlovyja marki «Džamała 1944» i «JAMALA 1944» dla vytvorčaści adzieńnia, napojaŭ, turystyčnaha ahienctva pa arhanizacyi ekskursij u časova akupavany Krym i muzyčnych škoł.
Akramia hetaha jon paviedamiŭ ab žadańni zarehistravać handlovyja marki «Free Saŭčanka» i «Hłytok svabody».
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ56
Kamientary