Pavyšeńnie zarobkaŭ biudžetnych arhanizacyj da ŭzroŭniu nie nižejšaha za 80% ad siaredniaj zarpłaty ŭ ekanomicy da 2020 hoda praduhledžvajecca zabiaśpiečyć šlacham aptymizacyi funkcyj i kolkaści zaniatych u biudžetnaj śfiery.
Heta zamacavana ŭ prajekcie Prahramy sacyjalna-ekanamičnaha raźvićcia na 2016—2020 hady, asnoŭnyja pałažeńni jakoj apublikavanyja 17 červienia.
Pamier minimalnaj vieličyni, što vykarystoŭvajecca pry vyličeńni stavak (akładaŭ, słužbovych akładaŭ) rabotnikaŭ biudžetnaj śfiery, budzie paetapna nabližacca da biudžetu pražytkovaha minimumu, u pierśpiektyvie — da minimalnaha spažyvieckaha biudžetu.
U cełym zachady ŭ halinie apłaty pracy buduć nakiravany na paśladoŭnaje pavyšeńnie jaje realnaha ŭzroŭniu, źnižeńnie razryvu pamiž apłataj pracy rabotnikaŭ biudžetnych arhanizacyj i siarednim zarobkam u ekanomicy.
Realizacyju pastaŭlenaj zadačy ŭ realnym siektary ekanomiki płanujecca ažyćciaŭlać «šlacham šyrokaha prymianieńnia hibkich sistem apłaty pracy, zabieśpiačeńnia rostu realnaj zarpłaty, ŭzajemaźviazanaha z rostam pradukcyjnaści pracy».
Pavyšeńnie sacyjalnaj abaronienaści rabotnikaŭ płanujecca zabiaśpiečyć za košt ŭstanaŭleńnia štohadovaha pamieru minimalnaj zarabotnaj płaty na ŭzroŭni minimalnaha spažyvieckaha biudžetu ŭ siarednim na adnaho člena siamji z čatyroch čałaviek.
Płanujecca, što rost realnych najaŭnych hrašovych dachodaŭ nasielnictva ŭ 2020 hodzie u adnosinach da 2015 hoda składzie 109,5—111,6%.
Asnoŭnyja pałažeńni Prahramy sacyjalna-ekanamičnaha raźvićcia Biełarusi na 2016—2020 hady buduć vyniesienyja na abmierkavańnie V Usiebiełaruskaha narodnaha schodu, jaki projdzie ŭ Minsku 22—23 červienia.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii60
Kamientary