Viadomy finansist pradkazvaje pakuty brytanskamu narodu praz vyniki refierendumu ab adździaleńni ad ES, pieradaje TASS sa spasyłkaj na Project Syndicate.
«Ciapier katastrafičny scenar, jakoha mnohija zaścierahalisia, realizavaŭsia, zrabiŭšy raspad supolnaści praktyčna niepaźbiežnym, — ličyć Soras. — Urešcie Vialikabrytanii moža być adnosna lepš bieź ES, a moža być i horš, adnak jaje ekanomicy i narodu pryjdziecca značna pakutavać užo ŭ bližejšaj i siarednieterminovaj pierśpiektyvie».
«Funt sterlinhaŭ abvaliŭsia da samaha nizkaha pakazčyka za bolš čym try dziesiacihodździ adrazu ž paśla hałasavańnia, i niestabilnaść na finansavych rynkach pa ŭsim śviecie, imavierna, zachavajecca, pakul budzie iści doŭhi i składany praces pieramovaŭ pa palityčnym i ekanamičnym» razvodzie «ź ES», — miarkuje Soras.
Na jaho dumku, nastupstvy dla ekanomiki ad vychadu Vialikabrytanii ź Jeŭrasajuza «buduć paraŭnalnyja ź finansavym kryzisam 2007—2008 hadoŭ».
Bolš za toje, pad pahrozaj sama ideja ES.
Inviestar ličyć, što Brexit pastaviŭ pad pytańnie samu ideju isnavańnia prajekta adzinaj supolnaści i zaraz možna čakać, što i inšyja členy ES zajaviać pra hatoŭnaść vyjści ź jaho.
«Akramia taho, sama Vialikabrytanija moža nie vyžyć», — miarkuje Soras, adznačajučy, što Šatłandyja napeŭna zachoča pravieści novy refierendum ab svajoj niezaležnaści, a Paŭnočnaja Irłandyja raspačnie sproby abjadnańnia ź Irłandyjaj.
Ale nastupstvy dla Jeŭropy mohuć być jašče horšyja, — papiaredžvaje finansist. — Supiarečnaści pamiž siabrami (ES) dasiahnuli krajnaści nie tolki praź situacyju z uciekačami, ale i ŭ vyniku vyklučnaj napružanaści pamiž krainami-kredytorami i dziaržavami-daŭžnikami ŭ składzie jeŭrazony, a ŭ hety čas asłabiełyja lidery Francyi i Hiermanii skancentravany tolki na ŭnutranych prablemach».
«Pry hetym u Jeŭropy niama času: źniešni nacisk z boku takich krain, jak Turcyja i Rasija, jakija vykarystoŭvajuć razład u asabistych intaresach, tolki ŭzmacniaje razmach palityčnych biazładzicy ŭ Jeŭropie», — śćviardžaje Soras.
Taksama inviestar zaklikaŭ da abjadnańnia namahańniaŭ «ŭsich tych, chto vieryć u kaštoŭnaści i pryncypy» ES, z metaj vyratavańnia supolnaści šlacham jaho «poŭnaj rekanstrukcyi».
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary