Jak minimum 14 čałaviek zahinuli ŭ štacie Kientuki i jašče siem — u Misury, u tym liku piać — u stalicy štata Sent-Łuisie.
Ułady Sient-Łuisa nazvali toje, što adbyłosia, «adnym z samych strašnych štarmoŭ» u historyi. Z-za niepahadzi tam atrymali paškodžańni kala piaci tysiač budynkaŭ.
Pavodle infarmacyi AP, tarnada praniośsia pa akruzie Łoreł u Kientuki pozna ŭviečary ŭ piatnicu, 16 maja. Padobnym čynam situacyja raźvivałasia ŭ Sient-Łuisie. U piatnicu dniom u horadzie pačaŭsia štorm, a ŭviečary tarnada praniośsia pa bujnoj darozie, zryvajučy dachi z damoŭ, vyryvajučy z koraniem drevy i paškodžvajučy linii elektrapieradačy.
Taksama bujnyja tarnada, ale biez čałaviečych achviar, byli zafiksavanyja ŭ štatach Ilinojs i Indyjana.
Pavodle sajta Power outage.us, z-za niepahadzi biez elektryčnaści zastalisia 700 000 damoŭ i pradpryjemstvaŭ u dziesiatku Štataŭ. Najbolš mocna paciarpieli štaty Misury i Kientuki.
U haradach, jakija padvierhlisia stychijnamu biedstvu, praciahvajecca pošuk paciarpiełych. Jak pieradaje telekanał CNN, u Sient-Łuisie ŭ vyratavalnaj apieracyi zadziejničany zvyš 500 ratavalnikaŭ.
Kamientary