Novaja Baravaja praciahvaje pašyrać svaje miežy. Ciapier tam budujuć avijakvartał, u jakim prajekciroŭščyki abiacajuć spałučyć temu nieba, palotaŭ i mastactva.
Kampanija «A-100 Deviełapmient» abviaściła ab starcie prodažu kvater u pieršym domie ŭ novym žyłym kvartale, što raźmiaściŭsia na miescy byłoha Muzieja avijacyjnaj techniki ŭ Novaj Baravoj, jaki raniej pierajechaŭ u Lipki.
Pa słovach zabudoŭščyka, architektary pry raspracoŭcy novaha kvartału natchnialisia temaj nieba i palotaŭ.
Piać hrup damoŭ, kožnaja z dvuch budynkaŭ, utvarajuć trochvuholniki, jakija nahadvajuć kryły samalotaŭ. Nazvy hrup — «Pavietrany patok», «Chmarny atłas», «Miesiačnaje śviatło», «Soniečny blik» i «Kaśmičny šlach» — padkreślivajuć tematyku.
Avijakvartał raźmiaściŭsia pamiž dvuma transpartnymi kolcami, susiedničaje z kvartałam «Centralny park» i prymykaje da lasnoha masivu. Adznačajecca, što damy sprajektavany z ulikam zachavańnia bujnych dreŭ, što stvaraje harmoniju pamiž pryrodaj i haradskim asiarodździem.
Zabudoŭščyk adznačaje, što Avijakvartał sprajektavany pa pryncypie smart+social, jaki prymianiajecca ŭ Novaj Baravoj i praduhledžvaje raźvituju sacyjalnuju infrastrukturu i ŭvahu da detalaŭ, jakija stvarajuć kamfort dla žycharoŭ.
Pa pierymietry kvartała źjaviacca parkinhi, supiermarkiet i kamiercyjnyja abjekty, u tym liku kafe i kramy, što zabiaśpiečyć zručnaść dla žycharoŭ. Dvary buduć zakrytymi i volnymi ad aŭtamabilaŭ.
Praz uvieś kvartał uzdoŭž zialonaj zony projdzie ściežka dla piešych prahułak, a pasiaredzinie raźmieścicca łandšaftna-rekreacyjnaja zona ź dziciačaj placoŭkaj u avijacyjnym styli «Prapieler», spartyŭnaj placoŭkaj, paviljon s kafiejniaj. Asobna praduhledžana placoŭka dla vyhułu sabak.
Budaŭnictva pačynajecca z domu ŭ hrupie «Pavietrany patok». Heta čatyrochpadjezny budynak sa zbornaha žalezabietonu vyšynioj ad 6 da 9 pavierchaŭ, raźličany na 117 kvater. U kvaterach, praduhledžany raznastajnyja płaniroŭki ad 41 da 108 m² z asobnymi harderobnymi, pakojami dla zaniatkaŭ chobi, zašklonymi łodžyjami. Na pieršym paviersie prapanujucca kvatery z asabistymi terasami.
Zabudoŭščyk abiacaje, što ŭ dvary «Pavietranaha patoku» budzie dziciačaja zona z arelami, placoŭka z naviesam dla praviadzieńnia sustreč, zona vuličnaha ofisa, dźvie nievialikija zony cichaha adpačynku i mini-aharodziki.
Padjezdy doma ź biezbarjernym uvachodam, kalasačnymi i łapamyjkami, u dekory vykarystany elemienty ŭ styli aryhami.
Prodažy ŭžo startavali, košt pačynajecca ad $1320 za m² u ekvivalencie, a minimalny košt kvatery składaje $76,8 tysiačy pa kursie. Zdača doma zapłanavana na IV kvartał 2026 hoda. Troch– i čatyrochpakajovyja kvatery pradajucca razam z mašynamiescami ŭ parkinhu.
Kamientary