Papa Rymski Benedykt XVI pryniaŭ davierčyja hramaty novaha pasła Biełarusi ŭ Vatykanie Siarhieja Alejnika, pieradaŭ najlepšyja zyčeńni Alaksandru Łukašenku j błasłaviŭ narod Biełarusi.
Jak paviedamlaje presavaja słužba Vatykana, u svajoj pramovie ŭ adkaz na vystup biełaruskaha pasła Benedekt XVI zajaviŭ, što Śviaty prastoł «praciahnie padtrymku biełaruskaha narodu ŭ jahonym imknieńni da ŭmacavańnia svabody, u jahonym žadańni ŭmacavać demakratyčny praces u jakaści člena vialikaj siamji svabodnych i suverennych eŭrapiejskich krain».
Pvaodle słoŭ Papy Rymskaha, dziesiacihodździami Eŭropa budavała mirnuju j prahresiŭnuju budučyniu, dzie niama miežaŭ.
«Dasiahnuć hetaj ambitnaj mety niaprosta, bolš za toje, dla hetaha nieabchodna, kab usie baki byli ŭciahnutyja ŭ stały, ščyry, razumny dyjaloh, zasnavany na ščyraj salidarnaści j pavazie da zakonnych žadańniaŭ, histaryčnych abstavinaŭ, raznastajnaści», — zajaviŭ Benedykt XVI.
Papa ličyć, što ŭsie nacyi kantynentu, u tym liku Biełaruś, paklikanyja «zrabić svoj uniosak u stvareńnie ahulnaha eŭrapiejskaha domu, dzie miežy — heta miesca sustrečy, a nie raździalalnyja linii albo niepieraadolnyja ścieny».
«Na samoj spravie, historyja, duchoŭnyja j kulturnyja karani j hieahrafija Biełarusi dyktujuć joj važnuju rolu ŭ hetym pracesie», — ličyć Papa Rymski.
U svajoj pramovie kiraŭnik Śviatoha prastołu adznačyŭ, što znoŭ nabytaja niezaležnaść Biełarusi j znoŭ ustalavanyja dypadnosiny z Vatykanam spryjajuć raźvićciu ŭzajeminaŭ miž strukturami dziaržavy j carkvy. Benedykt XVI padziakavaŭ Alejniku za ciopłyja słovy pra dziejnaść carkvy ŭ Biełarusi j vykazaŭ upeŭnienaść, što «ŭrad Biełarusi praciahnie akazvać padtrymku katalickaj carkvie ŭ jejnych patrebach».
Papa Rymski adznačyŭ, što sioleta katalickaja carkva ŭ Biełarusi adznačyć dźvie važnyja daty — 250‑hodździe ŭstalavańnia Mahiloŭskaj japarchii j 210‑hodździe Mienskaj japarchii.
Benedykt XVI z udziačnaściu adznačyŭ toj fakt, što Biełaruś «uśviadomiła duchoŭny, kulturny j histaryčny ŭniosak carkvy ŭ žyćcio krainy».
«Carkva j dziaržava, kožny svaim čynam, jak taho vymahaje ich abaviazak, słužać čałaviectvu. Važna, kab jany supracoŭničali, pavažali aŭtanomnaść i abaviazki adno adnoha, kab padtrymlivać mužčyn i žančyn u dasiahnieńni materyjalnaha j duchovaha dabrabytu», — zajaviŭ Papa Rymski.
Katalickaja carkva ŭ Biełarusi, pilnujučysia rymskich i bizantyjskich tradycyj, prosić nie pryvilejaŭ, adciemiŭ kiraŭnik Śviatoha prastołu, ale mahčymaści zrabić svoj uniosak u raźvićcio krainy.
Papa Rymski pieradaŭ najlepšyja zyčeńni prezydentu Biełarusi Alaksandru Łukašenku j zapeŭnivańni ŭ ščyraj lubovi j svaje błasłavieńni narodu Biełarusi.
Kamientary