«Novy čas» abviaščaje konkurs maładych žurnalistaŭ imia Alaksieja Karala
Biełaruskamoŭny štotydniovik «Novy čas» zasnavaŭ konkurs imia Alaksieja Karala dla maładych žurnalistaŭ.
Redakcyja «Novaha času» zasnavała konkurs maładych žurnalistaŭ na znak pamiaci i pavahi da redaktara Alaksieja Karala, jaki hod tamu syšoŭ u lepšy śviet. Alaksiej Karol zaŭsiody ź impetam padtrymlivaŭ maładych žurnalistaŭ. I hety konkurs jość praciaham spraŭ, idej i ideałaŭ, što redaktar, žurnalist, historyk i hramadski dziajač Karol pakinuŭ paśla siabie.
CHTO MOŽA PRYNIAĆ UDZIEŁ U KONKURSIE?
Dla taho, kab pryniać udzieł u konkursie, nie abaviazkova mieć žurnalisckuju adukacyju ci dośvied žurnalisckaj pracy. Patrebnyja tolki žadańnie pisać, vałodańnie słovam i cikavaja tema. Vašuzrost nie pavinien być bolš za 30 hadoŭ.
Kali vy adpaviadajecie hetym kryteram, čakajem na vašy materyjały. Uličycie, kali łaska, što da ŭdziełu ŭ konkursie prymajucca tolki aryhinalnyja artykuły na biełaruskaj movie, jakija raniej nidzie nie publikavalisia. Artykuły pavinny być prailustravanyja ŭłasnymi (vitajecca) ci pazyčanymi (z paznačeńniem krynicy) fota.
Kali vy žadajecie padzialicca aŭdyjo- ci videasiužetam albo navat ułasnym dakumientalnym filmam, kali łaska, dasyłajcie vašy multymiedyjnyja materyjały. My budziem rady paznajomić z vašaj tvorčaściu šyrokuju aŭdytoryju i dać karysnyja parady.
KONKURSNYJA PRACY BUDUĆ ACEŃVACCA Ŭ TROCH NAMINACYJACH:
- najlepšy hramadska-palityčny materyjał
- najlepšy sacyjalna-ekanamičny materyjał
- najlepšy kulturna-histaryčny materyjał
Materyjały prymajucca da 1 krasavika 2017 hoda. Vyniki konkursu buduć padviedzieny 20 maja 2017 hoda, a ŭznaharodžańnie łaŭreataŭ adbudziecca 29 maja 2017 hoda — u Dzień naradžeńnia Alaksieja Karala.
Usie materyjały, jakija projduć papiaredni adbor u redakcyi «Novaha Času», buduć raźmieščanyja ŭ admysłovym raździele konkursu na našym sajcie novychas.by, a niekatoryja ź ich buduć nadrukavanyja ŭ haziecie «Novy Čas» i na hałoŭnaj staroncy sajtu (udzieł u konkursie aznačaje zhodu na vykarystańnie tvora na sajcie novychas.by i/ci ŭ haziecie «Novy Čas»).
Troch łaŭreataŭ konkursu imia Alaksieja Karala nazavie redakcyja «Novaha času». Jašče troch pieramožcaŭ vyznačać čytačy «Novaha času», šlacham hałasavańnia na sajcie novychas.by.
Łaŭreataŭ konkursu čakajuć kaštoŭnyja padarunki, nieabchodnyja ŭ prafiesijnaj dziejnaści, i prapanova dalejšaj samarealizacyi ŭ družnaj kamandzie «Novaha času».
Dla ŭdzielnikaŭ konkursu buduć arhanizavanyja majstar-kłasy, jakija praviaduć viadomyja asoby Biełarusi, siarod jakich historyk i publicyst Ihar Mielnikaŭ («Zachaplalnaja historyja»), paet, litaratarka i aŭtarka Valaryna Kustava («Realici-šoŭ i ščyryja razmovy pa-biełarusku»), pravaabaroncy Aleś Bialacki i Valancin Stefanovič («Niasumnyja pravy čałavieka»); žurnalist, namieśnik redaktara «Novaha Času» Siarhiej Pulša («Jak pracavać z navinami i analitykaj»); piśmieńnica i aŭtarka «Novaha Času» Maryja Martysievič («Teksty pra kulturu, jakija nie pakidajuć čytačoŭ abyjakavymi») i inšyja.
PATRABAVAŃNI DA AFARMLEŃNIA MATERYJAŁAŬ
Usie tekstavyja materyjały dasyłajcie ŭ elektronnym vyhladzie na poštu «Novaha Času» [email protected] z paznakaj «KONKURS». Adzin kankursant moža dasyłać niekalki materyjałaŭ.
Fajł z konkursnaj pracaj pavinien utrymlivać nazvu artykuła i proźvišča aŭtara.
Pamier tekstaŭ nie pavinien pieravyšać 6000 znakaŭ biez prabiełaŭ. Pamier fota nie mienš za 800 na 600 i nie bolš za 2400 na 1800 piksielaŭ. Fotazdymki, dasłanyja ŭ jakaści ilustracyi pracy, pavinny być padpisanyja.
Aŭdyjo i videamateryjały dasyłajcie ŭ vyhladzie spasyłki na fajły, raźmieščanyja ŭ elektronnym schoviščy (naprykład, na huhł-dysk).
Taksama kankursant musić napisać karotki apovied pra siabie (nie bolš za 500 znakaŭ) i dasłać svoj fotazdymak.
Kamientary