Parłamient Estonii vykazaŭ niedavier premjer-ministru Taavi Ryjvasu. Za hetaje rašeńnie prahałasavali 63 deputaty z 101. Pavodle kanstytucyi, adstaŭka premjera aŭtamatyčna aznačaje adstaŭku ŭsiaho ŭrada, paviedamlaje VVS.
Pierad hałasavańniem prezident Estonii Kierści Kaljułajd sam-nasam sustrełasia ź lidarami ŭsich šaści parłamienckich frakcyj, uklučna z samim Ryjvasam, jaki ŭznačalvaje kirujučuju Partyju reformaŭ.
«Narod daŭ na vybarach parłamientu mandat, i doŭh parłamienta vykarystoŭvać jaho. Parłamient adkazny za toje, kab Estonija chutka zajmieła ŭrad, jaki paviadzie Estoniju napierad i budzie prytrymlivacca važnych dla nas pazicyj u halinie abarony i biaśpieki», — zajaviła prezident paśla sustrečy.
Napiaredadni kiraŭniki piaci frakcyj parłamienta pastavili Ryjvasu ultymatum, zapatrabavaŭšy ad jaho padać u adstaŭku da druhoj pałovy dnia sierady.
Apanienty Ryjvasa krytykavali premjera za nierašučaść u praviadzieńni reformaŭ. Ryjvas u adkaz patrabavaŭ pravieści publičnyja debaty na temu pracy ŭrada, ale jany praviedzienyja nie byli.
Na dumku Ryjvasa, novy estonski ŭrad płanuje ździejśnić «pavarot naleva».
37-hadovy Ryjvas byŭ adnym z samych maładych premjeraŭ u Jeŭropie. Na apošnich parłamienckich vybarach u 2015 hodzie jon ahitavaŭ za stvareńnie «praestonsku nastrojenaha ŭrada» i kazaŭ, što Rasija moža pasprabavać mabilizavać sieparatysckija elemienty i ŭ inšych postsavieckich krainach, hetak ža, jak jana heta zrabiła va Ukrainie.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie2
Kamientary