Alaksandr Łukašenka 21 listapada na sustrečy ŭ Minsku z kiraŭnikom «IPS Inžynirynh Kansałtynh», kiraŭnikom hrupy kampanij «IPS Hrup» Jensam Chienkielem abmierkavaŭ mahčymaści ŭdziełu niamieckaj kampanii ŭ raźvićci AAT «Mahiloŭchimvałakno», paviedamiła pres-słužba prezidenta.
«My zaŭsiody ź vialikim zadavalnieńniem idziom na sumiesnyja prajekty z pradstaŭnikami hiermanskaha biźniesu, — padkreśliŭ kiraŭnik dziaržavy. — Viedaju vašu śpiecyjalizacyju. Jana vielmi cikavaja, tamu što my majem vielizarny abjom pierapracoŭki nafty i naftachimičnych vytvorčaściaŭ. Dla nas vielmi važnyja mierkavańni vašych śpiecyjalistaŭ u hetaj śfiery».
Na sustrečy adznačałasia, što ŭ chutkim časie niamiecki inviestar sumiesna ź biełaruskaj kampanijaj, mahčyma, budzie realizoŭvać adzin z najvažniejšych prajektaŭ, zasnavany na vysokich technałohijach, piša BiełaPAN.
«Ja niadaŭna byŭ na vytvorčym abjadnańni» Mahiloŭchimvałakno». Tam šerah pytańniaŭ, my pastavili pierad saboj metu da 2020 hoda mieć zusim inšaje, novaje pradpryjemstva», — skazaŭ Łukašenka. Jon prapanavaŭ stvaryć tam samuju sučasnuju vytvorčaść pa isnujučamu płana.
«Uličvajučy, što vy inžynirynhavaja i kansałtynhavaja kampanija, budziem zychodzić z taho, jaki pradukt my budziem vyrablać na tych ci inšych pradpryjemstvach i jaki jon budzie zapatrabavany na rynkach. Hetaje pytańnie pavinna być samym hałoŭnym u našym supracoŭnictvie, — padkreśliŭ kiraŭnik dziaržavy. — My hatovyja pracavać z kampanijaj».
AAT «Mahiloŭchimvałakno» źjaŭlajecca adzinym u Biełarusi bujnym vytvorcam dymietyłtereftałatu, poliefirnaha hranulatu PET, u tym liku charčovaj, poliefirnych vałoknaŭ i nitak i asnoŭnym pastaŭščykom syraviny dla lohkaj pramysłovaści krainy. Bolš za 65% vyrablenaj pradukcyi pastaŭlajecca na źniešnija rynki.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary